ने. सं. ११४६ चिल्लागा नवमी -

निवृत्त कर्मचारी संघया साधारणसभा

येँ – नेपाल राष्ट्रिय निवृत्त कर्मचारी संघया च्याक्वःगु साधारणसभा थन जुल ।पुलांम्ह प्रधानमन्त्री लोकेन्द्रबहादुर चन्दं उलेज्या यानादीग साधारणसभाय् निवृत्त नांया लुमन्ति पौ नं विमोचन यानादीगु खः । अथे हे वय्कलं संघया आजीवन दुजः नापं संघयात थीथी कथं ग्वाहालि यानादीपिं चन्दादातातय्त सम्मान नं यानादीगु खः ।

उगु ज्याझ्वः गेहेन्द्रमान अमात्यया सभापतित्वय् जूगु खःसा ज्याझ्वलय् मूपाहां चन्दलिसें विशेष पाहां भद्राकुमारी घले लगायतया थीथी व्यक्तित्वपिंसं थःथःगु नुगःखँ तयादीगु खः ।