‘मास्टर एण्ड मिस किन्डरगार्टेन’य् निर्भेस व रेवती

येँ – काठमाडौं नेवाः किण्डरगोर्टेन स्कुलया ग्वसालय् वंगु शनिवाः थनया नेपाः बैंक्वेटय् न्हय्क्वःगु मास्टर एण्ड मिस काठमाडौं नेवाः किन्डरगार्टेन ज्याझ्वः जुल । नीन्याम्ह ब्वँमि मस्तय् दथुइ जूगु धेंधेंबल्लाः कासाय् नर्भेस श्रेष्ठ व रेवती महर्जन मुख्य उपाधि त्याकेत ताःलात ।

मस्तय्त मांभासं शिक्षा बीगु मू आज्जु ज्वनाः नीस्वंगु काठमाडौं नेवाः किण्डरगार्टेनया ब्वमिपिनि दथुइ जूगु धेंधेंबल्लाः कासाय् बेष्ट पर्सनालिटी सम्मान महर्जन, बेष्ट डे«स अक्षता ताम्राकार, बेष्ट स्पोकन मुखू महर्जन, बेष्ट नेपालभाषा लूजः महर्जन, बेष्ट वक तेन्जिङ येवाङ वज्राचार्य, बेष्ट पर्फमर सम्येक श्रेष्ठाचार्य, बेष्ट स्माइल सेसु महर्जन, बेष्ट एनर्जेटिक अरोशा महर्जनं त्याकूगु खः ।

ज्याझ्वलय् नेपालभाषाया ऐतिहासिक संकिपा जामनः गुभाजुया निर्देशक रवि साय्मि, म्येँहालामि लिसें पत्रकार सुरजवीर वज्राचार्य व फोटो पत्रकार रेखा शाक्य निर्णायकमण्डलय् च्वनादीगु खःसा बज्र कला कुञ्जया नायः चर्या प्याखंया अभियन्ता चन्द्रमान मुनिकार मूपाहांकथं झायादीगु खः ।

ज्याझ्वलय् स्कुलया निर्देशक राजेन्द्र महर्जनं मांभासं शिक्षा बीगु लकस ब्वलनाच्वंसां राज्यं थःगु जिम्मेवारीकथं ज्या याना मच्वंगु धयादिल । वय्कलं १२५ सिबें अप्वः भाय् दुगु नेपालय् मुस्किलं १० गू भाय् नं लोप जुइगु चिन्तां मुक्तगु दइमखु धयादिसें मातृभाषा शिक्षाय् राज्यं तिबः बीमाः धयादिल ।

ज्याझ्वः किन्डरगार्टेनया शिक्षिका हसना महर्जनया संयोजकत्वय् जूगु खः ।

सम्बन्धित बुखँ

LEAVE YOUR COMMENTS