खुसः दँ पुलांगु परम्परायात निरन्तरता
यल- थनया भण्डारखाल क्यबय् झण्डै खुसः दँ पुलांगु परम्परा हाकनं न्ह्याःगु दु । थनया भण्डारखाल क्यबस्थित माणिकेश्वर महाद्यःया रुद्री यायेगु परम्परा हाकनं न्ह्याःगु खः ।
झण्डै खुसः दँ न्ह्यवंनिसें दिनाच्वंगु थ्व परम्परां वंगु विहीवाःनिसें हाकनं निरन्तरता काःगु खः । पाटन संग्रहालयया पहलय् थनया तलेजुया पुजारीतय्सं मणिकेश्वर महाद्यःया रुद्राभिषेक पुजालिसें चण्डी पाठ याःगु खः । थ्व झ्वलय् तलेजुया पुजारी वासुदेव ज्वालानन्द राजोपाध्यायं एकादश आवृत्ति रुद्राभिषेक व रक्षण राजोपाध्यायं सप्तसति चण्डी पाठ यानादीगु खः ।
खुगू शताब्दीतक दिनाच्वंगु थ्व पुजा शुरु याये न्ह्यः छगू क्षमापुजा नं याःगु खः । दिनाच्वंगु परम्परायात निरन्तरता बीगु ल्याखं उगु क्षमापुजा याmगु खः । सिलाचः¥हेया झ्वलय् लाकाः भण्डारखालय् मणिकेश्वर महाद्यःया रुद्री यायेगु परम्परा दया वयाच्वंगु खःसा ताःई न्ह्यवंनिसें दिनाच्वंगु थ्व परम्परा लिपांगु इलय् गबले जूगु धइगु यकीन याये फयाच्वंगु मदु ।
संग्रहालयया अधिकृत सुरेश लाखेनं थ्व परम्परा दिनाच्वंगु यक्व हे दयेधुंकूसां लिपांगु इलय् गबले जूगु धाये फुगु अवस्था मदु धयादिल । वय्कलं संग्रहालयय् दुगु अभिलेख अध्ययनलिपा सिलाचः¥हेया दिनय् रुद्री यायेगु परम्परा दुगु जानकारी प्राप्त जूगु धयादिल ।
अभिलेखकथं महाद्यःया शिवलि·या स्थापना ने.सं. ५३५ (वि.सं. १४७१) पुस शुक्ल पुन्हि, बुधवाःया दिनय् याःगु खः । जयज्योति मल्लया पालय् वथुंनिहया यंकुलि वर्मा, वया कलाः मदनलक्ष्मी व काय जय सिंहसहितं सिलाचः¥हेया दिनय् दुगु परम्परा संचालनया निंतिं स्वपीत्या जग्गा तयाः गुथि चले यानाः रुद्राभिषेक पुजा शुरु याःगु खँ अभिलेखय् न्ह्यथनातःगु दु । वंगु विहीवाःया पुजा क्वचायेधुंकाः मणिकेश्वर महाद्यःया नित्यपुजा नं याःगु खः ।
LEAVE YOUR COMMENTS