विश्वकप क्रिकेट भारत–पाकिस्तान दथुइ कासा जुइ : आइसिसी

आइसिसीं भारत व पाकिस्तान दथुइ विश्वकपय् कासा जइगु खँ धाःगु दु । निगू देय् दथुइ ब्वलना च्वंगु तनावया कारणं थ्व हे वइगु जुन १६ य् म्यानचेस्टरय् म्हितीगु कासा जुइ वा मजुइ धइगु अन्यौल जुयाच्वगु खः । आइसिसीं भारत–पाकिस्तानया कासा मजुइ छुं नं संकेत मदुगु खँ धाःगु खः । आइसिसीं आःया अवस्था स्वयाच्वनागु व अनुगमन यानाच्वनेगु खँ नं धाःगु दु ।

आइसिसी धाःगु दु– क्रिक्रेट थेंज्याःगु कासां दक्व मनू व समुदाययात छथाय् हइ ,अले आःतक विश्वकपय् छगू नं कासा योजना कथं मजूगु धयागु मदुनि ।भारत प्रशासित काश्मिरया पुलावामाय् छुं न्हि न्ह्यव जूगु आतंकवादी आक्रमणय् लानाः पीम्हं मल्याक भारतीइ अर्धसैनिक बलया जवानत सीवं थांैकन्हय् भारत व पाकिस्तान दथुइ तनाव ब्वलनाच्वंगु दु ।

म्हिगः हे जक भारतीय हवाई सेनां पाकिस्तान सीमाय् लाःगु छगू थासय् बम नं कुर्केधुंकूगु दु । भारत व पाकिस्तान दथुइ तनाव ब्वलनाच्वंगुलिं छुं भारतीय कासामि लिसें क्रिकेट समर्थकतय्सं पाकिस्तानलिसेया कासा बहिष्कार यायेमाःगु खँ धयाच्वंगु दु । भारतया कप्तान विराट कोहलीं पकिस्तान नाप म्हितेगु वा मम्हितेगु निर्णय क्रिक्रेट बोर्ड व सरकारया निर्णय जुइ धाःगु दु ।

पुलांम्ह कासामि सचिन तेन्दुल्करं ट्विट यानाः पाकिस्तान नाप मम्हितल धाःसा २ अंक गुमे यायेमालीगु खँ धाःगु दु ।भारत व पाकिस्तानया कासा स्वयेगु निंतिं आः हे न्यागू लाखं मल्याकसिनं आवेदन यायेधुंकूगु दु । तर थ्व कासाय् २५ हजार जक टिकट दइ ।

सम्बन्धित बुखँ

LEAVE YOUR COMMENTS