उपाधीया निंतिं बार्यत व डर्टमुन दथुइ कडा प्रतिस्पर्धा

जर्मन बुन्डेस लिगय् बार्यन म्युनिखं आरबी लाइप्जी लिसे गोलरहित बराबरी म्हितूगु दु । बराबरी लिसें बार्यन छगू कासा न्ह्यः उपाधि त्याकेगु ह्वाःताः चूलाकेमखनसा निगूगु थासय् च्वंगु बोरुसिया र्डटमुनयात उपाधि त्याकेगु मेगु छगू ह्वःताः वःगुु दु । लिगया अन्तिम कासाय् बार्यन पराजित जुल व डर्टमुनं कासा त्याकल धाःसा डर्टमुनं थुगुसीया उपाधि ल्ह्वनीगु जुइ ।

लिगया शीर्ष थासय् च्वनाच्वंगु बार्यन म्युनिखया ७५ अकं दुसा निगूगु थासय् दुगु डर्टमुनया ७३ अकं दु ।फ्रेन्च लिग वान अन्र्तगत जूगु कासाय् पेरिस सेन्ट जर्मेनं एंगर्सयात बुकूगु दु । लिग उपाधि त्याकेधुकाः झ्वलाक स्वंगू अवे कासाय् पराजय फयेधुंकाः पिएसजीं एंगर्सयात छगूया विरुद्ध निगू गोलं बुकूगु खः ।

पिएसजीया निंतिं स्टार कासामि नेयमार व डि मारियां गोल यात । नेयमारं न्हपांगु हाफया २० औं मिनेटय् गोल याःगु खःसा निगूगु हाफया ५८ औं मिनेटय् डि मारिया मेगु गोल याःगु खः । कासाया ८५ औं मिनेटय् पिएसजीया डिफेन्डर मार्किन्होस ह्याउँगु कार्ड नयाः मैदान त्वतेमाःगु खः । झिम्ह कासामिइ सीमित जूगु फाइदा कासें एंगर्स ८८ औ मिनेट गोल याःगु खःसां पराजय धाःसा पनेमफुत ।