विश्वकप ट्रफी बारे छुं खँ

विश्वकप फुटबलया इतिहास गुलि पुलां, विश्वकप विजेतायात बीगु ट्रफी नं उलि हे पुलां । सन् १९३० य् दक्षिण अमेरिकी देय् उरुग्वें शुरु जूगु विश्वकप फुटबलय् उगु इलय् उपाधि त्याकूपिंत बीगु विश्वकप ट्रफी थौंकन्हय्यागु थेंज्याःगु मखु । अबलय् विश्वकप फुटबलया उपाधि विजेतायात बीगु ट्रफीया नां खः ‘जुलियस रिमेट ।’

विश्वकप फुटबलया कासाय् वःगु नियम, कासाया शैली, ढाँचा व आपालं अत्याधुनिक प्रविधियालिसें थौंया विश्वकप ट्रफीतक थ्यंगु खः । थुगुसी रुसय् जुयाच्वंगु फिफा विश्वकप फुटबलया २१ औं संस्करणया उपाधि विजेतायात बीगु ट्रफी न्हूगु खः । थ्व ट्रफी विश्वकप इटालीइ दयेकूगु खः ।खतुं थुगुसीया विश्वकपय् प्यक्वःतकया उपाधि विजेता इटाली छनोट जुइत असफल जुल ।

इटाली विश्वकपय् छनोट जुइत सफल जूगु वंगु खुगू दशक दुने न्हापांखुसी खः । रुस विश्वकपय् इटाली छनोट मजूसां कासा संचालनय् प्रमुख भूमिका म्हितीम्ह रेफ्री व इटालीइ दयेकूगु विश्वकप ट्रफी धाःसा रुसय् थ्यंगु दु ।खः, इटालीइ दयेकूगु विश्वकप ट्रफी रुसय् थ्यनेधुंकूगु दु । थ्व ट्रफी इटालीया हे छगू चिकिचाधंगु सहरय् दयकूगु खः ।

खतुं थुगुसीया विश्वकप ट्रफी जक मखु, विश्वकप उपाधि विजेतायात बीगु अप्वःथें ट्रफी इटालीया हे छगू चिकिचाधंगु सहर पोडेर्नो डुग्नानो धइगु थासय् दयेकीगु खः । उकिं थुगुसीया उपाधि विजेतायात बीगु ट्रफी नं अन हे दयेकूगु खः ।विश्व फुटबलया सर्वोच्च निकाय फिफां विश्वकप उपाधि विजेतायात बीगु याना वयाच्वंगु ट्रफी ९गुगु झीसं थौंकन्हय् झीसं खनाच्वंगु०या डिजाइन सन् १९७० लय् तयार याःगु खः।

फिफां अन्तर्राष्ट्रियस्तरं हे छगू धेंधेंबल्लाः यानाः वर्तमान ट्रफीया डिजाइनयात स्वीकृत याःगु खः । थुगु ट्रफीया डिजाइन याःगु खः सिल्भियो गाजानिगा नांया छम्ह कलाकारं ।खुगू किलो स्वयां अप्वः शुद्ध लुँ छ्यलाः दयेकूगु वर्तमान विश्वकप ट्रफी ३८ सेन्टिमिटर हाकःया खः । थ्व विश्व फुटबल महासंघ ९फिफा०या अल्याख सम्पत्तिमध्ये दकलय् प्रमुख सम्पत्ति खः धाःसां छुं पाइमखु ।

प्रत्येक प्यदँय् छकः जुइगु विश्वकप फुटबलय् उपाधि विजेता राष्ट्रं छुं दँया निंतिं उगु ट्रफी थःपिंसं तयेगु अधिकार दइ । वयां छुं ई लिपा धाःसा उगु ट्रफी फिफायात हे लित बीमाःगु प्रावधान दु । अथे खःसां विश्वकप उपाधि विजेता राष्ट्रयात विश्वकप उपाधि त्याकूगु चिंकथं फिफां मेगु कपी ट्रफी उपलब्ध याकेगु याइ ।

विश्वकप ट्रफी इटालीया छगू चिकिचाधंगु सहरय् दयकूगु खः । खतुं थुगुसीया विश्वकप ट्रफी जक मखु, विश्वकप उपाधि विजेतायात बीगु अप्वःथें ट्रफी इटालीया हे छगू चिकिचाधंगु सहर पोडेर्नो डुग्नानो धइगु थासय् दयेकीगु खः ।