धाथें गुलि शाकाहारी जू !
ला, न्या, ख्येँ आदि मनइपिंत शाकाहारी धाइ । यदि छिं नं थज्याःगु नसाज्वलं भपिया च्वनादीगु मदु धइगु जूसा छि नं शाकाहारी जुल । तर धाथें छिं शाकाहारी धकाः थज्याःगु नसाज्वलं भपियाच्वनादीगु दुसा थुपिं नसाज्वलं गुलितक शाकाहारी जू धइगु नं सीकादिसँ । वास्तवय् छि शाकाहारी खःसां छिं शाकाहारी धकाः भपियाच्वनादीगु नसाज्वलं उलि शाकाहारी धाःसा मखु ।
गथे कि सुप । छि रेष्टुराँय् झायादीबलय् शाकाहारी सुप धकाः गुगु भपियादीगु दुसा सतर्क जुयादिसँ, छाय्कि अज्याःगु सुप दयेकेत रेष्टुराँय् ससेजया प्रयोग जुयाच्वंगु दइ, गुकी न्यापाखें उत्पादन जूगु पदार्थ ल्वाकछ्यानातःगु दु । अथे हे बजारय् दइगु गुलिखे चिकनय् ‘ओमेगा–३ फ्याटी एसिड’ दयाच्वनी, गुगु शाकाहारी बिल्कुल हे मखु ।
अज्याःगु चिकनय् ‘भिटामिन – डी’ दुुग दावी याःसां उकी लेनोलिन नांया छगू पदार्थ दइ । गुगु पैmपाखे उत्पादन जुइगु पदार्थ खः । तुयुगु चिनीयात सफा यायेबलय् गुगु प्रक्रिया नालीगु खः उकी प्राकृतिक कार्बनया प्रयोग जुयाच्वंगु दइ । गुगु जनावरतय् क्वँचं दयेकातइगु खः । यदि छि धाथें शुद्ध शाकाहारी खः धइगु जूसा रिफाइन यानातःगु चिनी भपियादीमते ।
थुकथं हे छिं शाकाहारी नसा धकाः जाम भपिया च्वनादीगु दुसा थ्वपाखे नं सतर्क जुइगु बांलाइ । छाय्कि जामय् जिलेटिन पदार्थ दइ, गुगु जनावरपाखें हे उत्पादन यानातइगु खः ।
LEAVE YOUR COMMENTS