पिकासो अन्तरस्कूल चित्रकला सम्पन्न

येँ – चाँदबाग स्कूल सीबीएसई इकाइया ग्वसालय् जूगु निक्वःगु लिट्टिल पिकासो अन्तरस्कूल चित्रकला कासा सम्पन्न जुल । स्वनिगःया थीथी ३१ गू स्कूलं ब्वति काःगु उगु कासाय् खुगू तगिंनिसें च्यागू तगिंया पुचःपाखें लिट्टिल एन्जेन्स स्कूलय् च्यागू तगिमय् ब्वनाच्वंम्ह सुमना बज्राचार्य न्हाप लाःगु खःसा निगूगु थासय् गुहेश्वरी बोर्डिङ्ग हाई स्कूलया समीर लामा, स्वंगूगु थासय् रेडिएन्ट पब्लिक बोर्डिङ्ग स्कूलया निशा खत्री व हःपाः गुहेश्वरी बोर्डिङ्ग स्कूलया हे अनुष्का शाह व बुढानिलकण्ठ स्कूलया निष्ठा शाह लाःगु खः ।

अथे हे प्यंगू तगिंनिसें न्यागू तगिंया पुचःपाखें मल्पी सिटी स्कूलया पालिजा राजलवट न्हाप, बागमती बोर्डिङ्ग स्कूलया सक्षम सुवेदी ल्यू, मिल्स बेरी स्कूलया प्रजिना कायस्थ लियांल्यू व चाँदबागया विभाशा श्रेष्ठ व नेशनल युनाइटेड हाई स्कूलया रेगन गुरुङ हःपाः लाःगु खः ।

छगू तगिंनिसें स्वंगू तगिंया पुचःपाखें चाँदबागया संस्कृति बुढाथोकी न्हाप, नितिन मेमोरी स्कूलया रायनबहादुर मगर ल्यू, एक्सेलसिएर स्कूलया उपसाना धमला लियांल्यू लाःगु खःसा हःपाः सिरपाः एक्सेलसिएरया आकृति थापा व निर्भाना एकेदेमिया क्वीनसांग गुरुङं त्याकादीगु खःसा प्रि–स्कूल पुचःपाखें वन्डर एर्स मन्टेश्वरी स्कूलयासुमन बस्न्यात न्हाप, निर्भानाया डोल्मा छिरिङ्ग गुरुङ ल्यू, निसर्गः वाटिकाया देवासिस गिरी लियांल्यू व ट्रुंग्राम इन्टरनेशनल स्कूलया आकांक्षा गुरुङ्ग व रुपीज इन्टरनेशनल स्कूलया ह्युं देवं हःपाः सिरपाः त्याकादीगु खः ।