जापानया नेपाली रेष्टुरेन्टय् सितिकं मास्क

येँ -कोरोना भाइरसका कारणं जापानय् अभाव जुयाच्वंगु मास्क आः अनया नेपाली रेष्टुरेन्टय् सितिकं इनेगु यानाच्वंगु दु । अनया योमरी ग्रुप अफ कम्पनी अन्तर्गतया नेपाली रेस्टुरेन्ट मण्डला शिबुया व एशिएन दाईनिंग बालि गार्डेन टोक्योय् रेस्टुरेन्टय् वइपिं ग्राहकतय्त सितिकं मास्क इनेगु ज्या जूगु खः । आपतया इलय् नेपाःमितय्सं नं साथ बीगु याः धइगु सन्देश बीत सितिकं मास्क इनागु खँ उगु कम्पनीया प्रबन्ध निर्देशक सुनिल कुमार शाक्यं कनादिल । आः याकनं हे लँजुवाःतय्त नं मास्क इनेगु तयारी यानाच्वनागु खँ वय्कलं कनादिल ।