निर्देशक रवि साय्मिया अबु मंत

येँ (नेपालभाषा टाइम्स) – नेपालभाषाया ऐतिहासिक संकिपा ‘जामनः गुभाजु’या निर्देशक रवि साय्मिया अबु धर्मनारायण मानन्धर म्हिगः मंत । ७२ दँ दुम्ह वय्कः वंगु छुं ई न्ह्यवनिसें दमया ल्वचं कयाच्वंम्ह खः । स्वँया समस्यालिसें दमया ल्वचंग्रस्त वय्कः शिक्षण अस्पताल महाराजगंजय्वा सः याकेगु झ्वलय् म्हिगः सुथय् मदुगु खः । मदुम्ह मानन्धरया जहानलिसें काय निम्ह व म्ह्याय् छम्ह दी । मदुम्ह मानन्धर जामनं गुभाजु संकिपाया निर्माता मन्दिरा मानन्धरया बाःजु खः । मदुम्ह मानन्धरया म्हिगः हे पशुपति आर्यघाटय् अन्त्येष्टि याःगु दु ।