प्रेस काउन्सिलं पत्रिकाया अनुगमन याइगु

येँ – प्रेस काउन्सिल नेपालं ‘क’ वर्गय् लाःगु पत्रिकाया अनुगमन याइगु जूगु दु । प्रेस काउन्सिलं प्रदेश नं ३ अन्तर्गतया ‘क’ वर्गय् लाःगु थीथी पत्रिकारया स्व–अनुगमन यायेत्यंगु खः । काउन्सिलं प्रदेश नं. ३ अन्तर्गतया ’क’ वर्गय् लाःगु पत्रिकाया अनुगमन यायेगु धाःसां स्वनिगः बाहेक उगु प्रदेश लाःगु मेमेगु जिल्लां पिहां वयाच्वंगु ‘क’ वर्गय् लाःगु पत्रिकाया अनुगमन यायेत्यंगु खः ।

काउन्सिलया सूचना अधिकारीलिसें सहप्रशासकीय अधिकृत दीपक खनालं बियादीगु जानकारीकथं काउन्सिलं प्रदेश नं. ३ या येँ, यल व ख्वप बाहेक मेगु झिगू जिल्लाया पत्रपत्रिकाया अनुगमन यायेत्यंगु खः । सूचना प्र्रविधि, अभिलेख, आचारसंहिता अनुगमन (विद्युतीय व छापा) शाखाया संयोजकतकं जुयाच्वनादीम्ह खनालं अनुगमनया निंतिं निश्चित मापदण्ड तकं दयेकातःगु स्पष्ट यानादीगु दु ।

अनुगमनया निंतिं ०७३÷७४ सालय् ‘क’ वर्गया वर्गीकरणय् लाःगु पत्रपत्रिकायात अनुगमनया आधार दयेकातःगु दुसा उकिया नापनापं अनुगमन क्षेत्र, अनुगमन याइगु संचारमाध्यम, अनुगमनया चरण, प्रदेश छनोट विधि, आधार, तथ्य संकलन विधि, तथ्य वर्गीकरणया आधारत तयार यानातःगु दु ।

न्हापांगु चरणय् प्रदेश नं. ३ पाखें पिहां वयाच्वंगु ‘क’ वर्गय् लाःगु पत्रपत्रिकाया वर्गीकरण लिपा निगूगु चरणय् गोलप्रथाया लिधंसाय् मेमेगु प्रदेशया नं पत्रपत्रिकाया अनुगमन यायेगु काउन्सिलं न्ह्यथंगु दु ।

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु