ने. सं. ११४६ अनलाथ्व दशमी -

ट्राफिक व्यवस्थापनया निंतिं अभियान

येँ – स्वनिगःया अस्तव्यस्त ट्राफिक व्यवस्थापनया निंतिं स्वलाया अभियान न्ह्याकीगु जूगु दु । थ्व सम्बन्धय् जूगु छगू सहलहया इलय् उकिया जानकारी बिउगु खः । स्वनिगःया ट्राफिक व्यवस्थापन सुधार यायेगु ल्याखं तयार याःगु स्वलाया कार्य योजना सम्बन्धय् सरकारी व गैरसरकारी निकाययात जानकारी याकूगु खः ।

स्वलाया उगु अभियान अन्तर्गत चक्रपथ दुनेया कोरिडोर संचालनय् हयेगु नापं सतक व फुटपाथ अतिक्रमण चिइकेगु, जेब्राक्रसिङ, लेन सेन्टर मार्किङ यायेगु व ट्राफिक सम्बन्धी जनचेतना प्रशिक्षणयात व्यापकता बीगु खँ न्ह्यथनातःगु दु ।

अथे हे बस पकेट नियमन संचालन यायेगु व पार्किङ व्यवस्थापन यायेगु खँ नं योजनाय् दुथ्याकातःगु दु । सहलहया इलय् प्रहरी महानिरीक्षक सर्वेन्द्र खनाल व महानगरीय ट्राफिक प्रहरी प्रमुख वसन्त पन्तं कार्ययोजना बारे जानकारी बियादीगु खः ।