बाग्लुङय् गथांमुगः चःह्रे तःजिक न्यायेकल

येँ- नेवाःतय् महत्वपूर्ण नखः गथांमुगः बाग्लुङया नेवाःतय्सं तःजिक न्यायेकूगु दु । थनया नेवाःतय्सं छेँय् शान्तिया कामना यासें सुचुपिचु यानाः गथांमुगःया पुजा यानाः थ्व नखः हंगु खः ।

नेवाः ल्याय्म्ह पुचः बांग्लुङया पहलय् न्हाय्पं कथिया गथांमुगः दयेकाः द्वातय् थंगु खः । भूतप्रेत वांछ्वयेगु धकाः छेँय् सुचुपिचु यानाः गथांमुग च्याकेगु चलन दुगु खँ नेवाः ल्याय्म्ह पुचः बाग्लुङया दुजः अनम श्रेष्ठं कनादीगु दु ।

परापूर्वकालय् नास्तिकं भगवानया नां न्यने म्वाःलेमा धकाः न्हाय्पनय् गं घाना जूगु व वयागु आतंकं दिकेत च्याकाछ्वःगु बाखं नेवाः समुदायय् दुगु खँ पुचःया नायः जय राजभण्डारीं कनादिल ।

गथांमुगः चःह्रे कुन्हु छेँय् सुचुपिचु यानाः छेँ दुने च्वंगु फोहरयात व्यवस्थित यानाः वांछ्वयेगुयात हे भूतप्रेत चिकेगु धकाः सुचुकुचुया प्रतिक कथं गथांमुगः नखः हनेगु याना वयाच्वंगु दु ।

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु