जनबहाः द्यःया प्राणप्रतिष्ठा व दशकर्म पूजा

येँ – आर्यावलोकितेश्वर जनबहाः द्यःया प्राणप्रतिष्ठा व दशकर्म पूजा जुल । करुणामयया नामं नं म्हसिया वयाच्वंम्ह वसपोलया म्हिगः प्राणप्रतिष्ठा व दशकर्म पुजा याःगु खः । बौद्धविद्वान अष्टरत्न वज्राचार्यं जनबहाःद्यःया दशकर्म पुजा यानादीगु खः । जनबहाःद्यःया न्हवं लिपा वज्रयान विधिकथं याइगु खः ।

जनबहाःयात न्हवं लिपा जन्मनिसें मृत्यु संस्कार तक व मिसा व मिजं यात याइगु सकतांकथंया संस्कार व पुजा विधि याइगु चलन दु ।
जनबहाःद्यःयात मिसा व मिजंयात याइगु दक्वं संस्कारलिसें व हे कथं पुजा यायेगु नं याइ । पुजा सिधयेकाः सर्वसाधारणयात जनबहाः द्यःया दर्शन याकूगु इलय् नेवाः परम्पराकथं पँय्ताः पुइगु ज्या नं जूगु खः ।

जनबहाःद्यःया न्हवं लिपा वंगु माघ ७ गते प्राणप्रतिष्ठा यायेगु नापं दशकर्म विधि पुजा याःगु खः । जनबहाः द्यःया दर्शन यायेत तःधंगु ल्याखय् भक्तजनतय् उपस्थिति दुगु खःसा दशकर्म विधि सिधयेवं जनबहाः द्यःयात थःगु आसनय् बिज्याकूगु खः ।

 

सम्बन्धित बुखँ

LEAVE YOUR COMMENTS