फागुनं फोनिजया राष्ट्रिय भेला

येँ – नेपाःया आदिवासी जनजाति पत्रकारतय् राष्ट्रिय संगठन नेपाल आदिवासी जनजाति पत्रकार महासंघ (फोनिज)या राष्ट्रिय भेला थ्व हे वइगु फागुनया न्हापांगु वालय् जुइगु जूगु दु ।

महासंघया स्वक्वःगु पूर्ण बैठक लिपा महासचिव मनोज घर्तीमगरं जारी यानादीगु विज्ञप्तीकथं फागुनया ८ गते कास्की जिल्लया धम्पुसय् जुइगु राष्ट्रिय भेलाय् संघीय समिति, सल्लाहकार, लेखा समिति व अनुशासन समितिलिसें संस्थागत सदस्य संस्थापाखें छम्ह छम्ह प्रतिनिधि व शाखापाखें अध्यक्षं ब्वति काइगु जूगु दु ।

अथे हे फोनिजया उगु बैठकं नेपाल पत्रकार महासंघया दक्वं तहया निर्वाचन प्रत्यक्ष निर्वाचन प्रणालीपाखें यायेगु धकाः सैद्धान्तिक निर्णय याःगु यात नं लसकुस याःगु दु । लिसें पत्रकार महासंघयात पूर्ण समावेशी, समानुपातिक व समावेशी सिद्धान्त लागू यायेत नं फोनिजं माग याःगु दु ।

सम्बन्धित बुखँ

LEAVE YOUR COMMENTS