टेलिकमपाखें नगद लाभांश बीगु सुरु

येँ –  नेपाल टेलिकमं आर्थिक दँ २०७४÷७५ या मुनाफापाखें ५५ प्रतिशतया ल्याखं नगद लाभांश बीगु जूगु दु । कम्पनीया समेवाः जूगु झिंछक्वःगु साधारण सभां नगद लाभांस प्रस्ताव पारित याःगु खः । लाभांश रकम मंगलवाः निसें हे एनएमबी बैंक मार्फत शेयरधनीतय्त बीगु सुरु जूगु दु । साधारण सभां संचालक समितिया प्रतिवेदन, लेखा परीक्षकया प्रतिवेदन सर्वसम्मतं पारित याःगु खः ।

अथेहे आर्थिक दँ २०७५÷७६या निंंि लेखा परीक्षण यायेत चार्टर्ड एकाउन्टेन्ट अच्युतराज जोशी व प्रकाशजंग थापायात लेखा परीक्षक नं नियुक्त याःगु दु ।साधारण सभाय् न्ववासें कम्पनीया अध्यक्ष व सूचना तथा संचार मन्त्रालयया सचिव महेन्द्रमान गुरुङ्गं २०७५ असार तकया दुने कम्पनीया भ्वाइस सेवाय् बजाः हिस्सा ५०.९ प्रतिशत व ब्रोडब्यान्ड डाटा सेवाय् ४३.६ प्रतिशत थ्यंगु खँ धयादीगु खः ।

नेपालभाषा टाइम्स

च्वमिया मेमेगु

• वतु त्वालय् दन्त शिविर
• पासा पुचः गुथि लन्दनया न्हूधाः
• ज्यापु समाजया निर्वतमान नायः तीर्थलालया अबु मंत
• ‘मौसम पूर्वानुमानयात गम्भीर रुपं मकाःगुलिं यक्व क्षति जूगु खः’ – वरिष्ठ माैसमविद् मणिरत्न शाक्य
• नखःचखःया दिं कायेत झीगु संस्कृतिया मौलिक परम्परा म्हसीकेमाल