डिपिएलया निंतिं २०५ म्ह कासामिपाखें नां दर्ता

येँ – धनगढी दँय्दसं जुया वयाच्वंगु धनगढी प्रिमियर लिग (डिपिएल)या निंतिं थुगुसी जक २०५ म्ह कासामितय्सं थःगु नां दर्ता याकूगु दु । ग्वसाः खलः धनगढी क्रिकेट एकेदेमिं थ्व हे पुस १७ गते तक जक नां दर्ता यायेगु ई बियातःगु खः । बियातःगु ई दुने २०५ म्ह कासामितय्सं थःगु नां दर्ता याःगु खँ एकेदेमिं धाःगु दु ।

कासामितय्सं थःगु न्यूनतम पारीश्रमिक सहित उल्लेख यानाः नां दर्ता याकूगु खः । ग्वसाः खलकं म्होतिं नं छम्ह कासामियात ३० हजार बीगु व अप्वलय् २ लाख ५० हजार तका बीगु खँ धयातःगु दु । नां दर्ता पूवनेधुंकाः आः कासामितय् लिलामी जुइ । ग्वसाः खलःया अध्यक्ष सुवास शाहीया कथं वइगु पुस २२ गते अक्सन जुइ । अक्सनय् न्यानाकाःपिं कासामितय्सं न्यानाकाःगु टिमं स्वदँ तकया निंतिं अनुबन्धन यायेफइगु खँ धाःगु दु ।

राउण्ड रोविनया आधारय् जुइगु थ्व धेंधेंबल्लाखय् मुक्कं खुगू टिमं धेंधेंबल्लाः याइ । धेंधेंबल्लाः याइगु टिम चौराहा धनगढी, सिवाइसी अत्तरिया, रुपन्देही च्यालेन्जर्स, महेन्द्रनगर युनाइटेड, काठमाडौं गोल्डेन व विराटनगर किंग्सं थुपिं कासामितय्त लिलामी न्यानाकाइगु जुइ । कासा धनगढीया फाप्ला क्रिकेट मैदानय् जुइ । धेंधेंबल्लाखय् निम्ह निम्ह विदेशी कासामि नं अनिवार्य यानातःगु दु ।

सम्बन्धित बुखँ

LEAVE YOUR COMMENTS