राेनाल्डाेया पेनाल्टी पन, स्पेन व पार्चुगल नकअाउट चरणय्

येँ- विश्वकपया समूह बी पाखें पाेर्चुगल व स्पेन नकअाउट चरणय् दुहांवंगु दु । वंगु चान्हय् जूगु कासाय् पार्चुगल व स्पेन निगुलिं टिमं थःथः प्रतिद्वन्द्वीलिसे बराबरी म्हिताः नकअाउट चरणय् दुहांवंगु खः । माेरक्काेलिसे २-२ गाेलया बराबरी याःगु स्पेन समूह बीया विजेता जूगु दुसा इरानलिसे १-१ गाेलया बराबरी म्हितूूूूगु पाेर्चुगल उपबिजेता जूगु खः ।
पाेर्चुगलया नितिंं रिकार्डाे करिश्मां कासाया ४५ अाैं मिनेटय् गाेल यासें अग्रता बिउगु खः । पाेर्चुगलयात थप गाेल यायेगु ह्वःताः चूलाःगु खः, तर राेनाल्डाें थ्वाःगु पेनाल्टी गाेल जुइमफुत । कासाया ४९अाैं मिनेटय् राेनाल्डाेयात डिबक्सय् क्वदयेकेवं पेनाल्टी बिउगु खः । राेनाल्डाें थ्वाःगु पेनाल्टी इरानया गाेलकिपर अलि बेइर्नाभानं पनाबिल । कासा क्वचायेत्ययेका इन्जुरी ईया ९३ अाैंं मिनेटय् इरानया नितिंं करिम अन्सरिफर्डं पेनाल्टी पाखें गाेल याःगु खः । बक्स दुने कार्डिक स्वारेजया ह्याण्ड जुइवं पेनाल्टी बिउगु खः ।
मेखे स्पेनं नं कासाया इन्जुरी इलय् जक बराबरी गाेल याःगु खः ।कासाया १४ अाैं मिनेटय् बाउटाइबं गाेल यासें माेरक्काेयात अग्रता बिउगु खः । तर ५ मिनेट लिपा हे इस्काें गाेल यासें कासा बराबरीइ हल ।

कासाया ८१अाैं मिनेटय् माेरक्काें हाकनं अग्रता काल । इन-नेसरिं कर्नर बलय् हेड यासें गाेल याःगु खः । थ्व गाेल लिपा स्पेन बुइगु अवस्थाय् थ्यंगु खः । तर भार प्रविधिया कारणं स्पेन बराबरी यायेत ताःलात । ९१ अाैं मिनेटय् लागाे अासपासं याःगु गाेलयात रेफ्रीं अफसाइड हे धायेधुंकूगु खः । तर भिडियाेय् स्वःबलय् अफसाइड खने मदयेवं गाेल बिउगु खः ।
अाः नकअाउट चरणय् स्पेन समूह ए या उपविजेता रसिया लिसे म्हितिसा पार्चुगलंं समूह विजेता उरुग्वे लिसे म्हिति । थ्व समूहय् उरुग्वे व रसिया दथुइ जूगु कासाय् उरुग्वे ३-० गाेलं त्याःगु खः । अथेहे सउदी अरेबिया व इजिप्ट दथुइ जूगु कासाय् सउदी २-१ गाेलं त्याःगु खः ।