नेपाल व भट्टराई विरुद्ध नं मुद्दा

येँ – ललिता निवास जग्गा प्रकरणय् तत्कालीन प्रधानमन्त्री माधवकुमार नेपाल व डा. बाबुराम भट्टराईयात नं मुद्दा तयेमाः धासें सर्वोच्च अदालतय् रिट दर्ता जूगु दु । मन्त्रिपरिषदं याःगु फुक्कं निर्णय नीतिगत जुइगु अख्तियार दुरुपयोग अनुसन्धान आयोगया ब्याख्या गलत खः धासें वरिष्ठ अधिवक्ता बालकृष्ण न्यौपानें सरकारी जग्गा व्यक्तिया नामय् हयेगु निर्णय याःगु मन्त्रिपरिषद्या प्रधानमन्त्री लिसे फुक्कं मन्त्रीयात मुद्दा तयेमाः धासें म्हिगः रिट दर्ता याःगु खः । ललिता निवासया सरकारी जग्गा व्यक्तिया नामय् दर्ता याःगु द्वपनय् अख्तियारं तत्कालीन उपप्रधानमन्त्री विजय गच्छेदार सहित १७५ म्हेसिया विरुद्ध विशेष अदालतय् मुद्दा तःगु खः ।

तर सरकारी जग्गा व्यक्तिया नामय् दर्ता यायेगु मन्त्रिपरिषद्या निर्णय नीतिगत जूगु धासें अख्तियारं थ्व निर्णय याःपिं प्रधानमन्त्रीतय्त धाःसा मुद्दा मतःगु खः । अधिवक्ता न्यौपानें मन्त्रिपरिषदया फुक्कं निर्णय नीतिगत जुइ मखु धासें उन्मुक्त जुइ मफइगु दावी यानादीगु दु ।
उकथं हे न्यौपानें जग्गा लित बिउगु नामय् नेपाल कम्युनिष्ट पार्टीया महासचिव विष्णु पौडेलया काय नवीन पौडेल व सर्वोच्च अदालतया न्यायाधीश कुमार रेग्मीयात नं उन्मुक्ति बिउगु पाय्छि मखु धासें उमिगु विरुद्ध नं मुद्दा न्ह्याकेत माग यानादीगु दु ।

सम्बन्धित बुखँ

LEAVE YOUR COMMENTS