मखुसा देय् संघर्षया भूमि जुइ

सतक विस्तार आतंकं थौं स्वनिगःवासीतय् न्ह्यः हे छखे लाका बिउगु दु । गुगुं नं इलय् सुयागु छेँ थुनीगु खः, गुगु छेँय् प्रहार याइगु खः । मनूतय्त घरवारविहीन यानाः उठिबास याइगु खः । स्वनिगःवासीत भय त्रासं ग्रस्त जुइ । स्वनिगःवासीतय् मनोदशा संकटय् लाइ । ग्याःल्वचं ग्रस्त जुइ ।

देशय् सरकार जनताया संरक्षक जुइमाःगु । जनताया दुःखय् संवेदनशील जुयाः जनताप्रति सहानुभूति क्यनेमाः सरकारं । गथे छेँय् मांअबुं थः मचाखाचाया पालनपोषण याइ । देय् व जनताया पालक सरकार जुइ । सरकार जुइमाः । तर जब मांअबुं मचाखाचायात छखे वांछ्वयाः थःगु धर्मं विचलित जुइ, मचातय् हालत छु जुइ ? मचात म्वाःम्वाकं सी ।

इमि जीवन बेठेगान जुइ । ठीक अथे हे । देशय् जनताया संरक्षकया भूमिका बहस यायेमाःम्ह सरकार । गन सरकार हे जनताप्रति जब क्रूर जुइ, जनताया अवस्था अन दयनीय जुइ । टुहुरा जुइ । थौं सतक विस्तारया आतंकं स्वनिगःया जनतयात हामा मदयेका बिउगु दु । सरकारविहीन देय् थें थौं । जनतां थःत असुरक्षित, आतंकित तायेकेमाःगु दु ।

खंकेमाःगु दु । खः पिनें सरकार देशय् दु । तर । न्ह्यसः । सरकार नामं दु मदुया खँ मखु । जब स्वयम सरकार हे जनताया निंतिं खतरा जुयाबी, प्रतिक्षण भय व त्रासया कारणं जुयाबी । अन सरकार दु धकाः धायेगु केबल मिथ्या, भ्रम जुइ । सत्य मखु । थौं देशय् न्हियान्हिथं झनझन तच्वया वनाच्वंगु सतक विस्तारया आतंकं देशय् सरकारया उपस्थिति दुगु बारे शंका उत्पन्न यानाबी ।

सतक विस्तार आंतकया विरोध याइपिंत विकास विरोधी धाइ । अराष्ट्रिय तत्व खंकी । जातीय संकीर्णवादी खंकी । देशी । विदेशी विकास विरोधी षडयन्त्रकारीतसें संकातःपिं दलाल खंकी । चौतर्फि इमित बदनाम याइ ।

द हे दुसां दुगु सरकारं जनताया हित विपरित ज्या यानाच्वंगु खँ प्रमाणित यानाबी । थौंकन्हय् । थ्व सतक विस्तारया आतंकयात देय्या विकासलिसे स्वानाः सरकारं थःगु आतंककारी आक्रामक पलाःयात पाय्छि खंकी । थुकिया पक्षय् पैरवी याइ । सतक विस्तार आंतकया विरोध याइपिंत विकास विरोधी धाइ ।

अराष्ट्रिय तत्व खंकी । जातीय संकीर्णवादी खंकी । देशी । विदेशी विकास विरोधी षडयन्त्रकारीतसें संकातःपिं दलाल खंकी । चौतर्फि इमित बदनाम याइ । सतक आतंकं प्रभावित मनूतय् पीडा, संकटप्रति सहानुभूति क्यनेगु पलेसा इमिगु पीडाया मजाक याइ । व्यक्ति मखु, देश तःधं । देय्या स्वार्थ महान् जुइ । थःगु आतंकया बचाउ याइ ।

देशभक्तया अभिनय याइ । देश प्रेमया संवाद वमन याइ । थौं । व्यापक चर्चाय् वयाच्वंगु तथ्य खँ । थौं देश पिनें थ्व दलं, व दलं संचालित जुयाच्वंगु । खने दइ । तर थौं यथार्थय् शक्ति केन्द्रया माफियातय्सं पकड जमे यायेधुंकल । पिनें नेतात खने दइ । दुनें दुनें नेतातय्त म्हितकीपिं, रिमोट संकीपिं मेपिं हे जुयाच्वनी ।

देशय् म्हिगःया सामन्ति शासन अन्त्य जुल धाइ । सामन्तत थौं न्हूगु भेषय् न्हूगु अवतार कयाः माफियात वइ । माफियातय् थौं प्यखेरं जगिजगि खनेदइ । सरकारया नसा नसाय् चिम्सं प्वाःपतिकं इमिगु घुसपैठ जुइ । खः । देशय् विकास माः । देश सही स्थिर जुयाः च्वने फइमखु । च्वने मजिउ । विकास । अनिवार्य ।

खः देशय् विकासया भजन हालाः यक्व सरकारत वयेधुंकल । नेपाः थेंज्याःगु मेमेगु देय्तसें गुलि गुलि विकास यायेधुंकल । थन । अनेक विकास क्रान्तिया सः थ्वयेकी । मनूतय् नुगलय् म्हगस थनी । छु छु नं जुइ । आशा जागे याइ । शक्तिइ वइ । विकासया नामं जनतायात आतंकित याइ ।

थौं देशय्या अमूल्य सम्पदा, वैभवप्रति सतक विस्तारया आतंकं प्रहार यानाच्वंगु दु । विकासया नामय् देय्या सम्पदातय् विनास यायेत स्वइ । ‘स्वनिगःवासीत थनया आदिवासी मखु, थुमित न्ह्याथे याःसां जिउ विकासया निंतिं ।’ छम्ह शक्तिशाली नगर विकासविदं निर्ममकथं स्वनिगःवासीप्रति विष वमन याइ । विकासया नामय् जातीय, क्षेत्रीय विद्वेष ह्वलेत स्वइ । न्ह्यसः दनी ।

थज्याःगु कुनीयतयात देश, आम जनताया विकासया आधार खंके जी ला ? थुकिं देशय् जनता दथुइ सौहार्दता थनीला ? थनी मखु । उकिं थौं देय्या प्रबुद्ध विकासविद्तय्सं थःगु मत पित बी माली । देश, काल, परिस्थिति अनुकूल गज्याःगु विकास अवधारणा थौं देशं नाले माली । देय्या विकासया गति न्ह्याकेबलय् देय्या अमूल्य सम्पदा गथे यानाः ल्यंके फइ । जातीय, क्षेत्री, एकता गथे यानाः न्ह्यके फइ । मखुसा । माफियातय् विकास नीतिं देय् संघर्षया भूमि जुइ ।