ख्वप नगरपालिकां स्थापना दिवस न्यायेकल

ख्वप – ख्वप नगरपालिकां थःगु ६९ क्वःगु स्थापना दिवस हंगु दु । थ्व झ्वलय् नगरपालिकां नगरया विकास सन्दर्भयात कयाः छगू अन्तक्र्रिया ज्याझ्वः नं याःगु खः । अन्तक्र्रिया ज्याझ्वलय् नेपाल मजदुर किसान पार्टीया नायः नारायणमान बिजुक्छेँ स्थानीय तह जिम्मेवार निकायया रुपय् न्ह्याः वनेमाःगु खँय् बः बियादिल ।

वय्कलं धयादिल, ‘जनताया समस्यायात संबोधन याइगु निकाय रुपय् स्थानीय तह व नगरपाकालि जिम्मेवारीपूर्वक न्ह्याः वनेमाः ।’
नगर सुचुकुचु यायेगु ज्यायात निरन्तर रुपं न्ह्याका वनाच्वनेमाः धासें नगरया वासिन्दातय् समस्यायात संबोधन यायेत कर्मचारीत नं इमान्दार व जिम्मेवार जुइमाःगु खँय् वय्कलं बः बियादिल ।

ज्याझ्वलय् प्रदेश नं. ३ या सांसद सुरेन्द्रराज गोसाइँनं स्थानीय तह धइगु देय्या प्रमुख प्रशासनिक केन्द्र सिंहदरवार मखसे जनताया दरवार जुयाः न्ह्यःने वयेमाः धयादिल । ख्वप नगरपालिकाया प्रमुख सुनील प्रजापतिं ख्वप देय्यात छगू स्थानीय तहया रुपय् जक सीमित मयासे ज्ञान–विज्ञानया केन्द्रया रुपय् विकास याना यंकेगु योजना दुगु जानकारी बियादिल ।

ज्याझ्वलय् ख्वपया प्रजिअ नारायणप्रसाद भट्ट, उपप्रमुख रजनी जोशी, प्रमुख कार्यकारी अधिकृत रोहितराज पोखरेल, वडाअध्यक्षपिं उकेश कवां, श्यामकृष्ण खत्री, रवीन्द्र ज्याख्वः लगायतं नगरपालिकाया थीथी पक्षयात कयाः नवानादीगु खः ।

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु