मलेसियाया कम्पनीइ नेपाली ज्यामित श्रम शोष्धाण
येँ – बेलायतया छगू पत्रिकां मलेसियाय् नेपालीत ज्या याइगु कम्पनीं नेपाली ज्यामितय् श्रम शोषण यानाच्वंगु रिपोर्ट प्रकाशन याःगु दु ।
बेलायतया लोकह्वाःगु द गार्डियन पत्रिकाया कथं यक्व नेपाली ज्यामित ज्या यानाच्वंगु पञ्जा दयेकीगु कम्पनी टप ग्लोभ व डब्लु आरपी एसिया प्यासिफिक नांया कम्पनीतय्सं श्रम शोषण यानाच्वंगु खः ।
उगु रिपोर्टय् कम्पनीं ज्यामितय्त गैरकानुनी ढंंगं यक्व ई तक ज्या याकातःगु, पारिश्रमिक मिबउगु, अव्यवस्थिति होस्टलय् ज्यामितय्त तयेगु यानाच्वंगु लिसें मलेसियाया कानुन अःखः ज्यामितय् पासपोर्ट कब्जा यानाः उमिगु अधिकार हनन यानाच्वंगु खँ न्ह्यथनातःगु दु ।
टप ग्लोब कम्पनी पन्जा दयेकीगु कम्पनीतय् मध्ये दकलय् तःधंगु कम्पनी कथं कायेगु यानातःगु दु ।
थ्व कम्पनीया जक ४० गू पन्जा दयेकीगु फ्याक्ट्री दु, गन द्वलंद्वः नेपाःमि ज्यामितय्सं ज्या याना वयाच्वंगु दु । पत्रिकां अन ज्या यानाच्वंपिं नेपाली व बंगलादेशी ज्यामितय्के अन्तर्वार्ता कयाः अन श्रम शोषण जुयाच्वंगु रिपोर्ट पितबिउगु खः ।बेलायतय् नं तःधंगु मात्राय् पञ्जा निर्यात यानाच्वंगु मलेसियन कम्पनीतय्सं धाःसा थ्व रिपोर्टया खण्डन याःगु दु ।
उमिसं थःपिंसं अन्तर्राष्ट्रिय व राष्ट्रिय श्रम ऐन कथं हे ज्यामितय्त व्यवहार यानाच्वनागु दावी याःगु दु । कम्पनीं ज्यामितय् पासपोर्ट तनेफु धकाः सुरक्षा निंतिं जक थःपिंसं पासपोर्ट कयातयागु खँ धाःगु दु । अथेहे मलेसियाया मानव संशाधन मन्त्री एम कुलासेगनरनं नं थःपिंसं थ्व रिपोर्ट पिहां वयेधुंकाः कम्पनीया फ्याक्ट्रीत निरीक्षण यानागु, तर रिपोर्टय् द्वपं बियातःकथं मजूगु खँ धाःगु दु ।
वय्कलं थःपिंसं अन ज्या याइपिं ज्यामित लिसे खँ ल्हानाबलय् कानुन विपरीत ज्या यानातःगु मखनागु खँ धयादीगु दु ।फ्याक्ट्रीया निरीक्षण यायेधुंकाः पत्रकार सम्मेलन यासें मन्त्री कुलासेगनरनं ज्यामितय् माग व इच्छा कथं हे ओभरटाइम ज्या याकाच्वंगु खँ नं धयादीगु दु ।
LEAVE YOUR COMMENTS