नेपाली मुद्रा अवमूल्यनं लुँया भाः थहां वन

येँ – अन्तर्राष्ट्रिय बजारय् डलर बल्लाना वनाच्वंसां लुँया भाः नं थहां वनाच्वंगु खँ धाःगु दु । सामान्यतः डलरया भाः थहां वनकि लुँया भाः कुहां वनीगु व डलरया भाः कुहां वलकि लुँया भाः थहां वनीगु जुइगु खःसां थ्व पालय् डलरया भाः थहां वंसां लुँया भाः नं थहां वनाच्वंगु खँ सुनचाँदी व्यवसायी महासंघया निवर्तमान अध्यक्ष मणिरत्न शाक्यं धयादीगु दु ।

डलरया भाः कुहां वइबलय् लुँइ लगानी याइगु जूगुलिं लुयाँ भाः थहां वनीगु खःसा डलर बल्लाइबलय् अप्वस्यां डलरय् हे लगानी याइगुलिं लुँया भाः कुहां वइगु खः । तर थ्व पालय् धाःसा डलरया भाः थहां वंसां लुँया भाः नं थहां वनाच्वंगु दु ।

नेपालय् डलरया तुलनाय् नेपाली मुद्रा तसकं अवमूल्यन जुयाच्वंगुलिं यानाः नं नेपालय् लुँया भाः थहां वनाच्वंगु खँ वय्कलं धयादीगु दु । लुँया भाः थहां वनेगु झ्वलय् आइतवाः नेपाली बजारय् छतोलाया ६० हजार ३०० तकां कारोवार जूगु खः । लुँया भाः वंगु लछिया दुने नीन्यासलं मल्याक थहां वंगु दु ।

नेपालभाषा टाइम्स

च्वमिया मेमेगु

• पहिचानवादी आन्दोलनय् गोलीप्रहार
• विश्वया न्हयाथाय् च्वंसां नेवाःतय्सं थःगु संस्कृतियात म्वाका वयाच्वंगु दु– प्रम दाहाल
• तिलौराकोटयात नं विश्व सम्पदा धलखय् दुथ्याकीगु
• किपुली बुंगद्यःया झ्वाता पलिस्था विवाद ः वार्ता यानाः हे समाधान मालीगु
• ज्वेल्स सहकारीया वृहत् स्वास्थ्य शिविर