यलय् आकाशे ताँया निंतिं अध्ययन

यल –  यल महानगरपालिकां नगर लागाया सवारी साधनया चाप अप्वइगु थासय् आकाशे ताँ तइगु जूगु दु । उकिया निंतिं यल मनपां नगर दुनेया सवारी चाप अप्वःगु थासय् आकाशे ताँ तयेगु निंतिं छगू सम्भाव्यता अध्ययन यायेत्यंगु दु । मनपाया प्रमुख चिरिबाबु महर्जनया कथं सम्भाव्यता अध्ययनया निंतिं बोलपत्र आह्वान याःगु इलय् गुंगू टेण्डर दुहां वःगु दुसा आः गन गन आकाशे ताँया आवश्यक जू धइगु बारे अध्ययन याइगु जूगु दु ।

यल नगर लागाय् सवारी साधनया चाप अप्वया वनाच्वंगु इलय् आकाशे ताँया आवश्यकता महसुस यानागु खः । यलया पूच्व, सातदोबाटो, ग्वार्को, न्यखु लगायतया थासय् आकाशे ताँया आवश्यकता दकलय् अप्वः जूगु खने दयाच्वंगु दु । थ्व हे झ्वलय् जापान अन्तर्राष्ट्रिय सहयोग नियोग (जाइकां) पूच्वनिसें कुपण्डोलतक ताँ दयेकेत चिउताः क्यनाच्वंगु प्रमुख महर्जनं कनादिल ।

सम्बन्धित बुखँ

LEAVE YOUR COMMENTS