समुदाय प्रहरी साझेदारी न्हापांगु प्रतिवेदन

येँ – नेपाल प्रहरीं समुदाय प्रहरी साझेदारी ज्याझ्वः औपचारिक रुपं शुरु जूगु लछि दुगु अवसरय् न्हापांगु मासिक प्रगति प्रतिवेदन तयार याःगु दु । उगु ज्याझ्वः गृहमन्त्री रामबहादुर थापाया प्रमुख आतिथ्यताय् वंगु कात्तिक ११ गते शुरु जूगु खः ।

स्थानीय तहय् निहित सामाजिक न्याय, सुरक्षा, मेलमिलाप, सामुदायिक शिक्षा, जनचेतनाया दायित्व सामुदायिक साझेदारीया माध्यमं अपराध नियन्त्रण व अपराध पनेगु प्रहरीया मूलभूच दायित्वया दथुइ सामञ्जस्यता कायम यासें नेपाल प्रहरी व स्थानीय तह दथुइ समझदारी कायम यानाः मंकाः संयन्त्रया माध्यमं सामुदायिक सुरक्षायात अभिवृद्धि यायेगु ल्याखं उगु ज्याझ्वः हःगु खः ।

थुगु अवधारणायात अझ प्रभावकारी रुपं कार्यान्वयन यायेत न्हापां प्रहरी स्वयम थ्व अवधारणप्रति स्पष्ट जुइमाःगु खने दुगु धासें महानगरीय प्रहरी लगायत प्रदेशपाखें छनोट जूपिं १०,०५६ प्रहरीयात छगूनिसें स्वंगू लेभलया अभिमुखीकरण तालिम बिउगु दु ।

समुदालिसेया साझेदारीपाखें जक दिगो शान्तिया सम्भव जुइगुलिं समुदायया मेमेगु निकाय, अंग व पक्षलिसे तकं साझेदारीया आवश्यकताया वाःचायेकाः अवधारणाकथं आतकया दुने महानगरीय प्रहरी ज्याकूलिसें प्रदेशया ७७ गू जिल्लाय् यानाः ७५३ स्थानीय तहलिसें समझदारी पत्रय् ल्हाःचिं तयाः साझेदारी निर्माण यायेधुंकूगु दु ।

थ्व हे झ्वलय् स्थानीय तहय् सामुदायिक सुरक्षा साझेदारीताया रुपय् स्थानीय तह, नेपाल प्रहरी, सामुदायिक व सामाजिक संघसंस्था, ब्वनेकुथि व समाजया लब्ध प्रतिष्ठित समाजसेवीपिनिगु सहभागिताय् समुदाय प्रहरी जिल्ला समिति, समुदाय प्रहरी पालिका समिति, समुदाय प्रहरी वडा समिति, समुदाय प्रहरी टोल समिति, प्रहरी विद्यालय सम्पर्क समिति नं गठन याये धुंगु प्रहरी प्रधान ज्याकुथिं जारी याःगु छगू विज्ञप्तीइ धयातःगु दु ।

सम्बन्धित बुखँ

LEAVE YOUR COMMENTS