इन्जिन विस्फोट जूगु फ्लाई दुबईया विमान न्हूदिल्लीपाखे !

येँ (नेपालभाषा टाइम्स)÷ त्रिभुवन अन्तर्राष्ट्रिय विमानस्थलं ब्वयेवं आकाशय् हे इन्जिन विस्फोट जूगु फ्लाइ दुबईया विमान न्हूदिल्लीपाखे यंकाच्वंगु सीदुगु दु । थौं सोमवाः बहनी साढे ९ बजे पाखे त्रिभुवन विमानस्थलं ब्वःगु विमानय् तसकं विस्फोट जूगु सः कोटेश्वर, यल लागय् थ्यंकं तायेदुगु खः । थ्व सः तायेवं यक्वसिनं विमानया इन्जिनय् मि च्याःगु भिडियो हे कयाः सामाजिक सञ्जालय् तःगु खः । विमान विस्फोट जूगु तायेवं विमान कुतुं वयाः गनं लाइगु खः कि धयागु ग्याःचिकु खनेदुगु खः ।

आः विमानय् दुगु इन्धन फुकाः ल्यान्ड यायेगु तयारी यानाच्वंगु खँ धाःगु दु । संस्कृति तथा नागरिक उड्डयन मन्त्री सुदन किरातीं नं थःगु फेसबुकय् विमान थःगु गन्तव्यपाखे वनाच्वंगु दु धकाः च्वःगु दु । आः विमान दुबई हे यंकेफुगु वा न्हूदिल्लीइ आकस्मिक अवतरण यायेफुगु खँ धाःगु दु ।

https://twitter.com/i/status/1650534397920309251

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु