ने. सं. ११४४ कौलाथ्व षष्ठी -

उत्तर आधुनिक कम्युनिष्ट सरकार जुइ !

देशय् संविधान वइ । आम चुनाव जुइ । बहुमतया सरकार निर्माण जुइ । देशय् विकास, विश्वासया लहर न्ह्याइ । आः देशय् स्थिरता वइ । संक्रमणकाली अन्त्य जुइ । देशया इतिहासय् हे दक्कलय् शक्तिशाली सरकारं थौं देय् हाँके याइ । व नं कम्युनिष्ट सरकार । थौं । देय्या निंतिं जक मखु । विश्वया राजनीतिक ख्यलय् हे थ्व विशेष नमूना जुयाः लुइ । खने दइ । सरकारी माक्र्सवादीतसें दावी याइ । गर्व याइ ।

माक्र्सवाद । निश्चित वैचारिक आधार दइगु सिद्धान्त खः । व । न्ह्यागुकथंया छ्यनय् नं पाय्छि जुइगु ‘इलास्टिक हायट’ अर्थात लचकदार तपुलि मखु । प्रजातन्त्रवादीतय् नं सैद्धान्तिक आधार दयाच्वनी । तर प्रजातन्त्रया साइज लचकदार जुइ । थीथी मनूतय्सं थःगु छ्यंया साइजकथं उकियात छ्यलाच्वनी । छ्यले फयाच्वनी ।
उत्तर आधुनिकवादं सकल आधुनिक सिद्धान्ततय् विरोध याइ ।

आधुनिक सिद्धान्ततसें थःथःगुकथं शास्वत सत्य लुइकी । दावी याय । प्रचार याइ । इमि अनुयायीतय्सं विश्वास याइ । अनुशरण याइ । तर उत्तर आधुनिकवादं धाइ, ‘निश्चित सत्य धइगु मदु । सत्ययात परिभाषित याये फइमखु । परिभाषा धइगु स्वयम बकवास खः । सत्य धइगु निर्माण–विनिर्माणया चक्रय् लानाः हिला वनी । हिलाच्वनी । न्हू न्हूगु सत्य लुइ । खने दइ । हानं तनी ।

माक्र्सवादं थःगु सामाजिक दर्शन वैज्ञानिक खंकी । निश्चित अकाट्य नियमय् आधारित माक्र्सवादया थःगु हे निश्चित परिभाषा दइ । थःगु हे अपरिवर्तनीय आधारत दइ । थ्व मनूतय् छ्यंया नाः नाः साइज, आकार, रुपय् थ्व लचकदार जुइमखु । थ्वया थःगु हे साइज, आकार दइ ।

हिली । निरपेक्ष सत्य धइगु दइमखु । व भ्रम जक खः । जुइ । फुक्क सत्य देश, काल, परिस्थिति सापेक्ष जुइ । सत्य उकिं एक मखु । बहुल जुइ । अनन्त जुइ ।’ उत्तर आधुनिकवादीततसें वस्तुगत, वैज्ञानिक सत्ययात मान्यता बी मखु । माक्र्सवादं उत्तर आधुनिकवादया विकासयात माक्र्सवादया विरोधी खंकी । माक्र्सवादयात तहस नहस यायेत विरोधीतय्सं हःगु वैचारिक आक्रमण खंकी । तायेकी ।

माक्र्सवादं थःगु सामाजिक दर्शन वैज्ञानिक खंकी । निश्चित अकाट्य नियमय् आधारित माक्र्सवादया थःगु हे निश्चित परिभाषा दइ । थःगु हे अपरिवर्तनीय आधारत दइ । थ्व मनूतय् छ्यंया नाः नाः साइज, आकार, रुपय् थ्व लचकदार जुइमखु । थ्वया थःगु हे साइज, आकार दइ । थुकियात पुइत स्वइम्हेसिया छ्य नं व हे साइज, आकारया जुइमाः । माक्र्सवादं निश्चित सत्यया दर्शन न्ह्यब्वइ ।

उत्तर आधुनिकवादं निश्चित सत्यया दर्शनया मजाक याइ । थ्व भ्रम खः । सत्य धइगु मदु । सत्य दर्शनयात थुनी । चकनाचूर यायेत स्वइ । उत्तर आधुनिकवादया थ्व अराजक दर्शनयात माक्र्सवादं तःधंगु षडयन्त्र खंकी । सैद्धान्तिक विघटन, विचलनपाखें होसियार जुइमाः । माक्र्सपादीतय्सं सतर्क याइ । चेतावनी बी ।
थौंकन्हय् । सत्तासीन कम्युनिष्ट सरकार ।

थौं छगू हे दलया जुयाः खने दुसां निगू प्यंगू माक्र्सपादी पार्टी जानाः छगू जुयाः निर्माण जूगु खः । विशेष यानाः एमाले व माओवादी दल छगू जुयाः बृहत् कम्युनिष्ट दलया रुप काःगु खः । निगू दल छगू जुयाः थौं देशय् शक्तिशाली कम्युनिष्ट सरकार निर्माण जूगु खः । विश्वया न्ह्यःने हे थौं नमूना कम्युनिष्ट सरकार खः थ्व । सरकारवादी कम्युनिष्टतसें थ्व दावी याइ ।

खतुं नेपालय् अद्यापि कम्युनिष्ट सु खः ? सु मखु ? धइगु खँय् थीथी माक्र्सवादीतय् दथुइ हे तीव्र विवाद खने दइ । मतमतान्तर लुइ । म्हुतुं सकसिनं माक्र्सवाद वैज्ञानिक खः धाइ । तर व्याख्या मनोगत खने दइ । माक्र्सवाद दुने उत्तर आधुनिक सोच विश्वया घुसपैठ खः ला थ्व ? प्रभाव खः ला ? शंका याये थाय् दइ । राज्य शक्ति प्राप्त यायेगु धइगु शासन यायेगु अवसर जक खंके मजिउ । थौं ।

देशय् अद्वितीय बहुमत प्राप्त माक्र्सवाद सरकार दु । कम्युनिष्ट सरकार धायेबलय् नग्न शक्तिया जक खँ वइमखु । सिद्धान्तया खँ वइ । गुगु मूल्य मान्यता, लक्ष्य, आदर्श ज्वनाः थ्व सरकार न्ह्याः वनी । वनेमाः । उकिया नं पूर्वाभास जनतां अपेक्षा याइ । सरकार संचालन यायेगु जक मखु, जनतां सिद्धान्तया उचित प्रतिफल उपभोग याये दइगु खः ला कि मखु ? सिद्धान्तयात जनतायात म्हितकेगु खेल जक याइपिंसं विचा यायेफु ।

गरिबी राजनैतिक हल्ला यायेगु विषय जक खः । अन्त्य याये फइगु विषय मखु । राजनीतिक खेलया लागि गरिबी अनिवार्य जुइ । थज्याःगु फोहरी कासां जनता शोषित जुइ । थौंया कम्युनिष्ट सरकारं थःगु सिद्धान्तकथं क्यनी व करणी ज्या क्यनेमाः । मखुसा सत्य धइगु मदु । थम्हं छु खंकल व हे सत्य जुइ । थज्याःगु दृष्टि चेतं प्रेरित कम्युनिष्ट सरकार उत्तर आधुनिक कम्युनिष्ट सरकार जुइ ।