बार्सिलोना नकआउट चरणय्
बार्सिलोना च्याम्पियन्स लिगया अन्तिम १६य् प्रवेश याःगु दु । समुह बी अन्र्तगत जूगु कासाय् बार्सिलोनां पिएसभीयात २—१ गोलं बुकाः नकआउट चरण प्रवेश याःगु खः । न्हापांगु हाफ बराबरी म्हितूगु बार्सिलोनाया निंतिं निगूगु हाफय् कप्तान लियोनल मेसी व जेरार्ड पिकें गोल याःगु खः ।
पिएसभीया मैदानय् जूगु कासाय् बार्सिलोनां ६१ औं मिनेटय् मेसी याःगु गोल अग्रता काःगु खः । उत्कृष्ट कासा म्हितूगु बार्सिलोनाया निंतिं कासा याःगु ७० औं मिनेटय् पिकें निगूगु गोल यात । पिएसभीया निंतिं ८२ औं मिनेटय् गोल याःगु खः । थ्व हे समूह अन्र्तगत जूगु मेगु कासाय् टोटनह्यामं इन्टर मिलानयात बुकूगु दु ।
इन्टर मिलानयात टोटनह्यामं १–० बुकूगु खः । कासाया छगू जक गोल ८० औं मिनेटय् टोटनह्यामया क्रिष्टियन एरिकसनं गोल याःगु खः । टोटनह्याम व इन्टरमिलान निगुलिं टिमया नकआउट चरणय् दुहां मवनि । निगुलिं टिमया समान ७—७ अंक दु । बार्सिलोनानाप पराजित जूगु पिएसभी च्याम्पियन्स लिगं पिने लाः वंगु दु ।
समूह ए य् च्वंगु एथ्लेटिको म्याड्रिड व बोरुसिया डर्टमुन नं निगूगु चरणय् वंगु दु । एथ्लेटिको म्याड्रिडं मोनाकोयात २–० गोलं बुकाः नकआउट चरणय् प्रवेश याःगु खः । मेखे लिभरपुलयात बुकाः पीएसजी च्याम्पियन्स लिगया अन्तिम १६य् दुहां वनेगु निंतिं लँ चायेकूगु दु । समुह ‘डी’इ च्वंगु एफसी पोर्टो व शाल्के नं निगूगु चरणय् वंगु दु ।
LEAVE YOUR COMMENTS