महेश्वरयात तःजिक लसकुस याइगु

येँ – अन्तर्राष्ट्रिय बडी बिल्डिङ धेंधेंबल्लाः कासाय् स्वर्ण पदक त्याकाः इतिहास कायम यानादीम्ह कासामि महेश्वर महर्जनयात नेपाः लिहां वइबलय् येँय् तःजिक लसकुस याइगु जूगु दु । वय्कः मेगु मंगलवाः थाइल्याण्डं नेपाः लिहां झाइगु ग्वसाः दु । वय्कः येँया छाउनीइ च्वनीम्ह स्थानीयवासी खः ।

कासाय् टप फाइभय् लाःपिं भारत (लिउ), सिंगापुर (लियां लिउ), थाइल्याण्ड व उज्वेकिस्तानयात बडी बिल्डरतय्त लिउने लाकाः महर्जनं उपाधि त्याकादीगु खः । बडी बिल्डिङया अन्तर्राष्ट्रिय ख्यलय् नेपालं हासिल याःगु थ्वहे आः तकया दकलय् तःधंगु उपाधि खः ।

थ्वहे झ्वलय् वय्कलं सिरपाः त्याकूगु लसताय् आयोजनास्थलय् नेपाःया पुलांगु राष्ट्रिय गान थ्वयेकूगु खँयात कयाः ग्वसाः खलः वल्र्ड फिजिक फेडरेसन (डब्लुपीएफ) पाखें क्षमा याचना याःगु दु । उकिया महासचिव डाटुक पाउल चुआं छगू ईमेल च्वसें गल्ती जूगु खँय् क्षमा फ्वंगु खः । तर नेपाःया राष्ट्रिय खेलकुद परिषदं धाःसा थुकिया लागिं ग्वसाः खलकं सार्वजनिक रुपं क्षमा फ्वनेमाः धकाः माग यानाच्वंगु दु ।

सम्बन्धित बुखँ

LEAVE YOUR COMMENTS