वि.सं २०७५ निसें एसइई प्रदेशस्तरपाखें

येँ – सरकारं मेगु दँनिसें माध्याकि विद्यालय परीक्षा (एसइई) प्रदेशस्तरय् यायेगु कथं तयारी याःगु दु । विसं २०७५ निसें न्हय्गुलिं प्रदेशया प्रदेश परीक्षा बोर्डया कार्यालयपाखें एसइई सञ्चालन यायेगु तयारी जूगु खँ शिक्षा मन्त्रालयया प्रवक्ता डा. हरिप्रसाद लम्सालं कनादीगु दु । वय्कःया कथं थुकिया विषयय् याकनं हे मन्त्रालयं निर्णय यायेगु तयारी जुयाच्वंगु दु ।