बेलायती खोपया परीक्षणया तयारी

एजेन्सी- बेलायतं तयार याःगु कोरो ना भाइर स विरुद्धया खो पया परीक्षण याकनं याइगु जूगु दु । बे लायतया अक्सफोर्ड व अस्ट्राजेनेका विश्वविद्यालयं तयार याःगु कोरोना भाइरस विरुद्धया स्वंगूगु चरणया खोप याकनं हे परीक्षण यायेगु तयारी जुयाच्वंगु दु ।

शुरुइ थुगु खोपया प्रयोग ल्वगियात याःगु इलय ‘साइड इफेक्ट’ खने दयेवं रोके याना बिउगु खः । स्वंगू चरणया खोपया परीक्षण अध्ययन अनुसन्धान यानाः सुरक्षित जुइगु जुइवं थुकिया परीक्षणया तयारी जुयाच्वंगु दु । परीक्षणलिपा वितरण नं शुरु यायेगु बेलायती स्वास्थ्य सचिव म्याट ह्यान्ककं धाःगु दु ।

थ्व हे झ्वलय् शुरुइ खोप परीक्षण याःगु इलय् साइड इफेक्ट खने दुगु धाःसां परीक्षणकालय् सहभागि जूपिं सुं नं ल्वगि हथास वा आटे चाये माःगु मदु धकाः नं निगुलिं विश्वविद्यालयया वैज्ञानिकतय्सं धाःगु दु ।

थ्व स्वयां न्ह्यः अक्सफोर्ड विश्वविद्यालयया वैज्ञानिकतय्सं तयार याःगु मेगु छगू खोपया नं परीक्षण शुरु जुइधुंकूगु समाचार संस्थां न्ह्यथंगु दु । मेखे विश्व स्वास् थ्य संगठन (डब्लुएचओ ) याकथं कोरोना भाइरस विरुद्ध थौं कन्ह विश्वन्यंकं झण्डै १८० ताजिया खोप विकास यायेगु ज्या जूसां नं सुनानं चिकित्सकीय परीक्षण धाःसा पूरायाःगु मदुनि ।

उखे कोरोना भाइरस विरुद्धया खोप तयार यायेत अझ नं विश्वया आपालं वै ज्ञानिक व अनुसन्धान संस्थात न्ह्यचिला च्वंगु दु ।