त्वाः खलः ओमबहाःया चिग्वः धिमे प्रशिक्षण समापन समारोह

येँ – त्वाः खलः ओमबहाःया ग्वसालय् जूगु चिग्वः धिमे प्रशिक्षण ज्याझ्वःया समापन जुल । वंगु चैत महिनानिसें सुरु जूगु चिग्वः धिमे प्रशिक्षण म्हिगः नःबहिलिइ छगू ज्याझ्वः यासें समापन याःगु खः ।येँ महानगरपालिकाया प्रमुख विद्यासुन्दर शाक्य मूपाहांकथं झायादीगु ज्याझ्वलय् पाहांकथं प्रदेश सभा सांसद अष्टलक्ष्मी शाक्य, २३ वडाअध्यक्ष मचाराजा महर्जन, गुरु नापं पुलांम्ह नायः शंकर महर्जनपिं झायादीगु खः ।

ज्याझ्वलय् धिमे गुरु सुर्यनारायण डंगोलयात मूपाहां येँ मनपा प्रमुख शाक्यं सम्मान यानादीगु खःसा धिमे प्रशिक्षण कयादीपिं भिंmखुम्ह प्रशिक्षार्थीपिंत दसिपौ लःल्हानादीगु खः ।

राजभाइ ज्यापुया सभापतित्वय् न्ह्याःगु ज्याझ्वलय् शंकर महर्जन, गुरुपिं लक्ष्मीनारायण महर्जन, धर्मनारायण महर्जन व धनबहादुर महर्जन अथे हे कजिपिं भिंद्यः महर्जन, चिनी महर्जन व जयनारायण महर्जन व मूसुवाः लक्ष्मीनारामयणपिंत नं विशेष सम्मान ःगु खः । ज्याझ्वलय् थीथी सांस्कृतिक ज्याझ्वः नं न्ह्यब्वःगु खः ।