सनसिटी अपार्टमेन्टया निम्हेसित कोरोना जूगु पुष्टि, छम्हेसिया रिपाेर्ट मवनी
येँ – येँया पेप्सीकोलास्थित सनसिटी अपार्टमेन्टय् च्वनाच्वंपिं स्वम्ह मध्ये निम्हेसित कोरोना भाइरसया संक्रमण जूगु पुष्टि जूगु दु । कोरोनाया आशंकाय् सोमवाः पाटन अस्पतालय् भर्ना जूपिं स्वम्हे मध्ये निम्हेसिया रिपोर्ट पोजेटिभ खनेदुगु दु । मेम्ह छम्हेसिया रिपोर्ट मवनी ।
र्यापिड टेष्ट यायेगु झ्वलय् स्वम्हेसियां रिपोर्ट पोजेटिभ वयेवं सोमवाः पाटन अस्पतालया आइसोलेशनय् तःगु खः । अन हे उमिगु थ्रोट स्वाब संकलन यानाः पीसीआर विधिपाखें परिक्षण सुरु याःगु खः ।
नीच्यान्हु न्ह्यः बेलायतं लिहांवःपिं स्वम्हं कागेश्वरी मनोहरा नगरपालिका-९ काँडाधारीया सनसिटी अपार्टमेन्टय् च्वनाच्वंगु खः । मुलपानीस्थित नगर अस्पतालं विदेशं वःपिं ३६म्हेसिया याःगु इलय् छखाः हे छेँया स्वम्हेसिया रिपोर्ट पोजेटिभ वःगु खः ।
LEAVE YOUR COMMENTS