पद्मरत्नया शवयात्रा सुरु

येँ ÷ नेवाः न्ह्यलुवाः, भाषासेवी पद्मरत्न तुलाधरया शवयात्रा सुरु जूगु दु । न्हिनय् २ः२० बजे वय्कःया छेँ लाजिम्पाटं शवयात्रा सुरु जूगु खः । शवयात्राय् सलंसं नेवाः न्ह्यलुवाः, भाषिक कार्यकर्ता, मानव अधिकारकर्मी, व्यवसायी व सर्वसाधारणया सहभागिता दु । वय्कःया सीम्ह कूतालय् तयाः क्वबियाहःगु खः । शवयात्रा न्ह्यः न्ह्यः सीबाजं थानाः वःगु दु ।

अन्तिम संस्कारया झ्वलय् वय्कःयात राज्यपाखें राजकीय सम्मान बियाः नेपाःया ध्वाँय् फायेकी । वय्कःयात अन्तिम सलामी बीगु निंतिं सशस्त्र प्रहरीया छगू टुकडी नं थ्यनाच्वंगु दु ।
शवयात्रा लाजिम्पाट, लानिपुखू, असं, थाय्मदु, त्यंगः, छत्रपाटी, जोखिंपाखा जुयाः शोभाभगवतिया कर्णदीप तक जुइ । स्वन्तिया इलय् असनय् जाम जुइगुलिं अनया बजाः व्यवस्थित यानाः लँ चिइकेगु निंतिं असन सेवा समिति ज्या यानाच्वंगु दु । अथेहे अन्तिम संस्कारया निंतिं कर्णदीपय् तयारी ज्या क्वचायेधुंकूगु खँ धाःगु दु । वय्कःयात वय्कःया तःधिकःम्ह काय्नं मि तइ ।

सम्बन्धित बुखँ

LEAVE YOUR COMMENTS