ने. सं. ११४४ कौलाथ्व चौथी -

विदेश छ्वये धकाः ठगे याःपिं निम्ह ज्वन

येँ (नेपालभाषा टाइम्स) माल्टा व अमेरिका छ्वया बी धकाः ठगे याःपिं निम्हेसित प्रहरीं ज्वंगु दु । माल्टा छ्वया बी धकाः १२ लाख तका ठगे याःगु द्वपनय् प्रहरीं स्वयम्भुइ च्वनीम्ह धर्मेन्द्र शाहीयात ज्वंगु खः । शाहीयात येँया बानेश्वरं ज्वना हःगु खः ।

उकथं हे अमेरिका छ्वयाबी धकाः १४ लाख ९० हजार तका ठगे याःगु द्वपनय् सामाखुसिइ च्वनीम्ह पार्वती थापाया ज्वंगु खः । थुपिंपाखें ठगे जूपिं मनूतय्सं बिउगु उजुरीया लिधंसाय् प्रहरीं उमित ज्वंगु खः ।