बार्सिलोना व रियल म्याड्रिड त्यात

स्पेनिस ला लिगाया शीर्ष थासय् लानाच्वंगु बार्सिलोनां लिखतं निगुगू थासय् लानाच्वंगु रायो भालोकानोयात बुकूगु दु । रायो भालोकानो कासाया ८७ औं मिनेटय् तक २—१ गोलं न्ह्यःने लानाच्वंगु खः तर अन्तिम स्वंगू मिनेटय् निगू गोल यासें बार्सिलोनां भालोकानोयात ३—२ गोलं बुकूगु खः।

न्हापागु हाफया ११ औं मिनेटय् स्वारेजया गोलं बार्सिलोनां अग्रता काःगु खः । तर ३५औ मिनेटय् रायो भालोकानाें बराबरी गोल यात । रायो भालोकानोया निंतिं जोसे पोजाें गोल याःगु खः । अथेहे निगूगु हाफय् अल्भारो गार्सियाया गोलं भालोकानां अग्रता काल । तर ककासाया ८७ औं मिनेटय् ओस्मान डेम्बेलें बराबरी गोल यातसा स्वारेजं व्यक्तिगत निगुगू गोल यासें भालोकानाया बार्सायात त्याकेगु स्थिति उल्टे यानाबिल ।

मेखे स्पेनिस लिगय् खराब प्रर्दशन याना वयाच्वंगु रियल म्याड्रिडं रियल भालाडोलिडयात २—० गोलं बुकूगु दु । रियल म्याड्रिडं अन्तिम ७ मिनेटय् निगू गोल यानाः भालाडोलिडयात बुकूगु खः। रियलया निंतिं ओभेरा जुनियरं ८३ मिनेटय् व ८८ औं मिनेटय् सर्जियो रोमासं पेनाल्टी गोल याःगु खः ।

सम्बन्धित बुखँ

LEAVE YOUR COMMENTS