कालिञ्चोकय् केबुलकार शुरु

दोलखा –  दोलखया लोकंह्वाःगु धार्मिक व पर्यटकीय क्षेत्रय् कालिञ्चोकय् शनिवाः निसें व्यावसायिक रुपं केवलकार संचालनय् हःगु दु । मोहनि न्ह्यव केबुलकारया परीक्षण याःगु खःसा म्हिगः निसें व्यावसायिक रुपं संचालनय् हःगु खः । थ्व केवलकार कालिञ्चोक गाउँपालिकाया कुरि निसें न्ह्याःवनाः कालिञ्चोक द्यःयाथाय् तक थ्यनी ।

कालिञ्चोक दर्शन लिमिटेडं आःया छगः कार निं संचालनय् हःगु खः । छगः कारय् झिम्ह तक च्वनाः यात्रा यायेफइगु खँ धाःगु दु । लिमिटेडं संचालनया निंतिं प्यंगः कार तयार यानातःगु दु । कालिञ्चोक दर्शन लिमिटेडं ४५ करोड लागतय् निदँत्या न्ह्यवनिसें केबुलकार दयेकेगु तयारी सुरु याःगु खः ।

न्यासः दां पुलाः केबलकारय् वयेवने यायेफइगु खँ धाःगु दु । स्वीस प्रविधिपाखें दयेकूगु थ्व केवलकार मनकामना व चन्द्रगिरीइ च्वंगु केवलकार स्वयां फरक प्रविधिया जूगु खँ धाःगु दु ।

रासस

च्वमिया मेमेगु

• कोरोनां मानसिक समस्या अप्वयेकल
• पन्ति नीन्यादँलिपा विश्व सम्पदा धलखय्
• स्कुलय् वान्तवा भाय्
• बुंगद्यःया देगः निर्माण सिँ मदयाः अलपत्र
• ६०० म्ह डाक्टरयात कोरोना संक्रमण