क्वथुननि थुनीगु विरोधय् जुयाच्वंगु हस्ताक्षर संकलन स्वनिगःन्यंकं न्ह्याकीगु

येँ – असंया ऐतिहासिक छेँ क्वथुननि थुनाः व्यापारिक भवन दयेकेत्यंगु विरोधय् जुयाच्वंगु हस्ताक्षर संकलन आः स्वनिगःव्यापी न्ह्याकीगु जूगु दु । असनय् जुयाच्वंगु हस्ताक्षर संकलन अभियान शुक्रवाः क्वचायेकाः थुकियात यल, ख्वप, किपू, तोखाय् यंकेत्यंगु खः ।

असनय् जुयाच्वंगु हस्ताक्षर संकलनय् शुक्रवाः तक थ्यंमथ्यं झिद्वः हस्ताक्षर मुंगु खँ धाःगु दु । हस्ताक्षर मुनेगु झ्वलय् थ्व हे वइगु २६ गते मरुइ हस्ताक्षर संकलन याइगु जूगु दु । थ्व धुंकाः २९ गते तोखाया मूध्वाखाय्, ३२ गते किपूया पांगा द्वातय्, असार ३ गते यल लाय्कुली, ४ गते लगंख्यलय्, ६ गते थिमिया बहाखा बजारय् व ७ गते ख्वपया लाय्कुली हस्ताक्षर संकलन याइगु जूगु दु ।
थ्व फक्कथासय् हस्ताक्षर संकलन यायेधुंकाः थ्व हस्ताक्षर प्रधानमन्त्री, येँ महानगरपालिकाय् लःल्हाइगु खँ धाःगु दु ।

सम्बन्धित बुखँ

LEAVE YOUR COMMENTS