फुक्क कथंया शेयर नामसारी सिडिएसयात

येँ – नेपाल धितोपत्र बोर्डं घरायसी व मृत्यु लिपा धितोपत्रया नामसारीया जिम्मा केन्द्रीय निक्षेप प्रणालीयात बिउगु दु । बोर्डं निक्षेप सेवा (स्वक्वःगु संशोधन) विनियमावलीया संशोधन यासें थ्व व्यवस्था याःगु खः ।सूचीकृत धितोपत्रया घरायसी व मृत्यु लिपा नामसारी ज्या न्हापा नेप्सेया सिफारिसय् सम्बन्धित सूचीकृत कम्पनी पाखें याना वयाच्वंगु खः ।

सिडिएस एण्ड क्लियरिंगया स्थापना लिपा धितोपत्र राफसाफ व नामसारी यायेगु ज्या थ्व हे संस्थां याना वयाच्वंगु खःसा घरायसी व मृत्यु नामसारी ज्या धाःसा नेप्सें याना वयाच्वंगु खः । सिडिएसं धितोपत्र राफसाफ व नामसारी ज्या स्वचालित प्रणालीपाखें यानाच्वंगु खः, तर घरायसी व मृत्यु नामसारी ज्या नेप्सें यानाच्वंगु अवस्थाय् नामसारी यायेत ताःई काइगु जूगुलिं न्हूगु व्यवस्था याःगु खः ।

घरायसी वा मृत्युलिपा धितोपत्र नामसारीया निंतिं सम्बन्धित निवेदकं विनियमावली कथं फारम जायेकाः निक्षेप सदस्यया सम्बन्धित कागजात सहित निवेदन बीमाः । थ्व निवेदन बीधुंकाः निक्षेप सदस्यं थज्याःगु निवेदन व दुथ्याकातःगु भ्वं रुजु यानाः सिडिएससीया प्रणाली प्रविष्ट यायेगु, धितोपत्र धनीया मृत्यु लिपा हकवालाय् सरे जुइगु धितोपत्र हस्तान्तरणया निंतिं मेपिं सुयागुं दावी दुसा दावी याःवयेत सिडिएससीया वेबसाइट ३५ न्हुया सुचं पिकायेमाःगु खँ धाःगु दु ।

सम्बन्धित बुखँ

LEAVE YOUR COMMENTS