ओमान वनीपिं ज्यामितय्त नं निःशुल्क भिसा

येँ – आवंलिं वैदेशिक रोजगारया निंतिं ओमानय् वनीपिंसं नं ध्यबा पुलेम्वालीगु जूगु दु । नेपाल सरकार व ओमन सरकारया दथुइ शून्य लागतय् नेपाली ज्यामि यंकेगु खँय् सहमति जुइवं ओमन वनीपिं ज्यामितय्सं ध्यबा खर्च यायेम्वालीगु जूगु खः ।श्रममन्त्री गोकर्ण विष्टं शून्य लागतय् ज्यामि यंकेगु श्रम समझदारीया मस्यौदाय् सहमति जूगु खँ धयादिसें याकनं हे निगू पक्ष दथुइ श्रम समझदारी (एमओयु) जुइगु खँ धयादीगु दु ।

थ्व सहमतिया निंतिं बिहिवाः व शुक्रवाः येँय् निगू पक्ष दथुइ सहलह जूगु खः । थ्व सहलह लिपा नेपाः व ओमानया अधिकारीतय्सं एमओयुया मस्यौदायात अन्तिम रुप बिउगु खः । श्रम मन्त्रि विष्टंं शून्य लागत सहित श्रमिकतय् हकहित सुनिश्चित जुइगु कथं सहमति जूगु खँ धयादीगु दु । थ्व सहमतिइ निगुलिं देय्या अधिकारीतय्सं हस्ताक्षर याःगु दु ।

आः याकनं हे निगू देय् दथुइ एमओयु हस्ताक्षर यायेगु तयारी जुयाच्वंगु दु । एमओयुय् हस्ताक्षर जुइवं नेपाःमि ज्यामि शून्य लागतय् ओमन वनेखनी ।ज्यामितय् बीमा रोजगारदाता कम्पनीपाखेंसरकारं वइगु आर्थिक दँ निसें वैदेशिक रोजगारय् वनीपिं नेपाःमि जयामितय् बीमा रोजगारदाता कम्पनीपाखें हे याकेगु नीति हःगु दु । शुक्रवाः न्ह्यब्वःगु सरकारया नीति तथा कार्यक्रमय् वैदेशिक रोजगारय् वनीपिं ज्यामितय् बीमा रोजगारदाता कम्पनीपाखें हे याकेगु खँ न्ह्यथनातःगु दु ।