जयमाता भगवती व युवा सहकारीया तःमुँज्या

येँ – येँया डल्लुइ च्वंगु जय माता भगवती बचत तथा ऋण सहकारी संस्थाया झिंगुक्वःगु साधारण सभा शनिवाः जुल । संस्थाया अध्यक्ष पुष्परत्न शाक्यं थःगु हे सभापतित्वय् जूगु ज्याझ्वलय् न्ववानादिसें सहकारीया न्हय्गू सूत्रीय सिद्धान्तयात पालना यानाः थ्व ख्यःया छगू सफल व न्ह्यलुवा सहकारी जुइत ताःलाःगु खँ कनादिल ।

ज्याझ्वलय् संस्थाया कार्यकारि सदस्य शरण वज्र वज्राचार्यं वंगु आर्थिक दँया ल्याःचाः न्ह्यब्वयादीगु खः । वंगु आर्थिक दँय् संस्थां ३३ करोड ७४ लाख ८८ हजार निक्षेप मुंकूगु खःसा २३ करोड ४८ लाख ४७ हजार लगानी याःगु खः । संस्थाया सल्लाहकार लक्ष्मण राजोपाध्याय्ं संचालन याःगु ज्याझ्वलय् उत्कृष्ट ज्या याःपिं कर्मचारीतय्त पुरस्कृत नं याःगु खः ।

अथेहे ख्वपया युवा बचत तथा ऋण सहकारी संस्थाया नीक्वःगु तःमुँज्या नेपाल बचत तथा ऋण केन्द्रीय सहकारी संघया वरिष्ठ उपाध्यक्ष परितोष पौडेलं उलेज्या यानादिल । ज्याझ्वलय् मूपाहांपाखें थीथी विधाय् सिरपा त्याकूपिंत सिरपा लःल्हानादिल । उगु ज्याझ्वलय् मूपाहां कथं जिल्ला सहकारी संघया प्रतिनिधि बालमुकुन्द सुवाल झायादीगु खः । संस्थाया तःमुँज्यां पुलांगु हे पुचःयात न्हूगु ज्यासना पुचः कथं निर्विरोध निर्वाचित नं याःगु दु ।

सम्बन्धित बुखँ

LEAVE YOUR COMMENTS