थप ९०म्हेसित कोरोना, संक्रमिततय् ल्याः ७७२म्ह थ्यन

येँ – थौं छन्हुया दुने हे थप ९०म्हेसित कोरोना भाइरसया संक्रमण खनेदुगु दु । स्वास्थ्य तथा जनसंख्या मन्त्रालयया कथं येँया टेकू जनस्वास्थ्य प्रयोगशाला नापं भेरी, सेती, पोखरा नापं सुर्खेतया प्रयोगशालाय् याःगु परीक्षणय् ९०म्हेसित संक्रमण जूगु पुष्टि जूगु खः ।

मन्त्रालयया कथं महत्तरीइ २म्ह, बाराय् ज्या यानाच्वंपिं जुम्लाया २म्ह, बाराया ३म्ह, रौतहटया २२म्ह, सिरहाया ५म्ह, धनुषाया १म्ह, बाँकेया ८म्ह, कपिलवस्तुया २६म्ह, अर्घाखाँचीया २म्ह, गुल्मीया २म्ह, रूपन्देहीया १म्ह, कैलालीया १म्ह, अछामया १म्ह, स्याङ्जाया २म्ह व सुर्खेतया १२म्हेसित कोरोना संक्रमण जूगु खः । थ्व नापं नेपालय् संक्रमण ४६गू जिल्लाया ७ सय ७२म्हेसित संक्रमण जूगु दु ।