वामदेव उम्मेवारी बारे दहाल

येँ – नेपाल कम्युनिस्ट पार्टीया अध्यक्ष पुष्पकमल दाहाल ‘प्रचण्डं’ नेकपाया सिट गुमे जुइकथं उपनिर्वाचन मयायेगु खँ कनादीगु दु ।
येँय् छगू ज्याझ्वलय् न्ववासें वय्कलं उगु खँ धयादीगु खः । वय्कलं येँया ७ नम्बर क्षेत्रय् सांसद रामवीर मानन्धरयात राजीनामा याकाः नेता वामदेव गौतमयात चुनावय् थनेगु धकाः जुयाच्वंगु चर्चाया सन्दर्भय् उगु खँ धयादीगु खः ।

वंगु छुं न्हि न्ह्यवंनिसें थ्व विषयय् चर्चा जुयाच्वंगु खँ कनादिसें वय्कलं सुशासनया पक्षय्, विकासया पक्षय् वामदेवयात हयेमाः धइगु विषयय् सहलह केन्द्रित जूगु धासें बांलाक गृहकार्य यानाः जक निर्णय यायेगु खँ नं धयादीगु दु । गौतमं येँय् उम्मेदवारी बीगु चर्चा सुरु जुइवं नेकपा दुने भीम रावल, ईश्वर पोखरेल आदि नेतातय्सं उकियात खुले जुयाः विरोध यायेधुंकूगु दु ।

सम्बन्धित बुखँ

LEAVE YOUR COMMENTS