मेक्सिकोय् नीम्ह मिस्त स्याःपिं तिपू ज्वन

येँ – मेक्सिकोय् नीम्हं मल्याक मिस्तय्त स्यायेधुंकूपिं छज्वः तिपूयात ज्वंगु दु । मस्तय्त तयाः यंकीगु प्रामय् मानवअंग सहित ज्वंपिं उपिं तिपुलीं थःपिंसं नीम्ह मिस्तय्त स्यानागु स्वीकार याःगु खः । उमित वंगु बिहिवाः ज्वंगु खः । तनाच्वंम्ह छम्ह मिसा व वया मचायात मालाच्वंपिं प्रहरीं अनुसन्धानया झ्वलय् उपिं तिपूयाके च्वंगु प्रामय् खानतलासी यानास्वःबलय् मानव अंग लुइकूगु खः ।

ज्वंम्ह मध्ये मिजंम्हेसिनं थःम्ह छुं मिस्तय्त बलात्कार नं यानागु स्वीकार याःगु दु । वं उपिं मिस्तय् क्वँय् तकं मियाबियागु बयान बिउगु खः । अनुसन्धानकर्तातय्सं उपिं तिपूया क्वथा व लिक्कसं च्वंगु मेगु थासय् तःगू हे मानव अंग लुइकूगु खः । सिमेन्ट तयातःगु बाल्टिनया लिसें फ्रिजय् तकं थज्याःगु अंग तयातःगु लुइकूगु खः ।

प्रहरीं उमिसं मानवअंग मियाच्वंगु धाःगु दु, तर सुयात मिल धयागु आःतक स्पष्ट याःगु मदुनि । वंगु सेप्टेम्बरय् २८ दँया छम्ह मिसा नेन्सी व वया निला दुम्ह मचा भ्यालेन्टिना तंगु खबर वयेवं प्रहरीं मालेज्या न्ह्याकूगु खः । उपिं तिपूया जःलाखःलातय्सं उमिसं न्ह्याबलें प्राम गुडे यानाच्वंगु खं धकाः धाःगुलिं प्रहरीं उमिके न्यनेकने याःगु खः ।

सम्बन्धित बुखँ

LEAVE YOUR COMMENTS