फिलिपिन्सय् वाफसं झिम्हेसिया ज्यान वन

एजेन्सी – फिलिपिन्सय् वःगु तच्वःगु वाफसं यानाः म्होतिं नं झिम्हेसिया ज्यान वनेधुंकूगु दु। आकझाकां वःगु वा वाफसं यानाः गुलिखे छेँया् पौ ब्वयेका यंकेगु लिसें सिमात क्वःदःगु खः । स्थानीय ई कथं आइतवाः सुथय् ४ः५० बजे पाखे २२५ किलोमिटर प्रतिघण्टाया बेगय् क्याटानडुएस टापुइ वाफय् वःगु खः । थ्व वाफय् लिपा कमजोर जुयावंगु खःसां लुजोन टापुइ नं थुकिं क्षति याःगु दु । फिलिपिन्सया राष्ट्रिय विपद् व्यवस्थापन सम्बन्धी निकाय थ्व वाफसं यानाः १ करोड ९० लाख मनूत प्रभावित जूगु खँ धाःगु दु ।