काठमाडौं गोल्डेन्सया विजयी सुरुवात

डिपिएल ट्वान्टी–२० क्रिकेट

येँ –  धनगढी प्रिमियर लिग (डिपिएलय्) काठमाडौं गोल्डेन्सं विजयी सुरुवात याःगु दु । सोमवाः निसें सुरु जूगु डिपिएलया न्हापांगु कासाय् काठमाडौं नं घरेलु टोली धनगढी स्टार्सयात प्यंगू विकेटं बुकूगु खः । कासा धनगढीया फाप्ला क्रिकेट मैदानय् जुयाच्वंगु दु । टस बुइवं न्हापां ब्याटिङ्ग याःवःगु धनगढीं निर्धारित २० ओभरय् न्यागू विकेटया क्षतिइ १३२ रन दयेकूगु खः ।

११३ रनया लक्ष्य ज्वनाः ब्याटिङ्ग याःवःगु काठमाडौं नं १९.५ ओभरय् विजय लक्ष्य चूलाकूगु खः । काठमाडौंया निंतिं गौरव तोमारं २८, अनिल साहं २४, अंकित दवासं २९, कप्तान ज्ञानेन्द्र मल्लं ३, सोनु तामाङ व योगेन्द्र सिंह कार्कीं २–२ रन दयेकूगु खःसा महबुब आलम व विक्रम भुसालं छसिकथं अविजित १२ व १४ रन दयेकूगु खः ।

धनगढीया निंतिं अमित श्रेष्ठं ५०, सन्दीप रजाइलीं २८ व सौभर खनालं २५ रन दयेकूगु खः । बलिङ्ग पाखें धनगढीया निंतिं रोहन मुस्तफां प्यंगू ओभरय् २७ रन बियाः प्यंगू विकेट काःगु खः ।

सम्बन्धित बुखँ

LEAVE YOUR COMMENTS