नेपालं इतिहास दयेकी ः प्रशिक्षक खड्का

येँ – विराटनगरय् जुयाच्वंगु महिला साफ फुटबल च्याम्पियसिपया फाइनलय् थौं नेपालं भारतलिसें धेंधेंबल्लाः यायेत्यंगु दु । बुधवाः जूगु सेमिफाइनलय् नेपाल श्रीलंकायात ४–० गोलं बुकाः प्यक्वःखुसी फाइनलय् थ्यंगु खः । थ्वयां न्ह्यव स्वक्वःतक फाइनलय् थ्यनेधुंकूगु जूसां नेपालं उपाधी धाःसा त्याकेफुगु मदुनि ।

मेगु सेमिफाइनलय् बंगलादेशयात ४–० गोलं हे बुकाः भारत न्याक्वःखुसी फाइनलय् थ्यंगु खः । भारतं लगातार प्यक्वः उपाधी त्याकेधुंकूगु दु । फाइनलसिबे न्ह्यः बिहिवाः जूगु पत्रकार सम्मेलनय् प्रशिक्षक हरि खड्कां थुगसीया उपाधी नेपालं त्याकाः इतिहास दयेकीगु दावी यानादीगु दु । ‘नेपाःया टिम उत्कृष्ट लयय् दुगुलिं उपाधी नेपालं हे त्याकी’ खड्कां धाल ।

‘शुक्रवाः भचा मिहेनत यातकि थ्व न्हि झीगु जुइ, उकी घरेलु मैदान जूगुलिं नं फाइदा याइ’ व धाःगु दु ।पत्रकार सम्मेलनय् नेपाःया कप्तान निरु थापां भारत बल्लाःगु टिम खःसां प्रशिक्षकं धाःथे म्हितेफत धाःसा भारतयात बुकेफइगु विश्वास प्वंकल । नेपालं भारतनाप म्हितूगु लिपागुुं निगू कासाय् छगू कासाय् १–१ गोलया बराबरी क्वचाःगु खःसा छगुलि भारतयात २—१ गोलं बुकूगु खः ।

 

 

सम्बन्धित बुखँ

LEAVE YOUR COMMENTS