बन्दीपुर केवलकारया शेयर स्थानीयपिंत

दमौली – बन्दीपुर केवलकार कम्पनीं तनहुँया बन्दीपुरवासीतय् निंतिं केबलकारया शेयर निष्काशन याःगु दु । कम्पनीं न्हापा घोषणा यानातःकथं बन्दीपुर गाउँपालिका दुने च्वनीपिं स्थानीयतय् निंतिं शेयर पितबिउगु खः । थ्व गाउँपालिकाय् च्वंपिंसं छगू लाख निसें न्यागू लाख तका बराबरया शेयर न्यायेफइगु खँ बन्दीपुर केवलकार प्रालिया अध्यक्ष तारानाथ उपाध्यायं धयादीु दु ।

कम्पनीं बन्दीपुरवासीतय् निंतिं धकाः ११ लाख २० हजार कित्ता शेयर पितबिउगु खः । बन्दीपुर केवलकार कम्पनी प्रा.लि व आरकेडी रियल स्टेट कन्स्ट्रक्सनया लगानीइ बन्दीपुरय् केबलकार तयेगु ज्या न्ह्यानाच्वंगु दु । केबलकारया निंतिं वंगु साउनय् शिलान्यास जूगु खःसा थौंकन्हय् केबलकार जडान यायेगु ज्या न्ह्यानाच्वंगु दु ।

मुक्कं ५६ करोड लागतय् दयेकाच्वंगु थ्व केबलकार दयेकेगु ज्या झिंन्याला दुने क्वचायेकेगु लक्ष्य तयातःगु दु । ठूल्ढुङ्गास्वांरां बरालथोक तक थ्यंकेफइगु केबलकारं घौछिया दुने निसःम्हेसित आरपार यायेफइगुख ँ धाःगु दु ।