मैत्रीपूर्ण कासा ब्राजिल त्यात, अर्जेन्टिना बराबरीइ

अमेरिकाया मेरिल्याण्डय् जूगु मैत्रीपूर्ण कासाय् ब्राजिलं एल साल्भाडोरयात ५—० गोलया तःधंगु अन्तरं बुकूगु दु । ब्राजिलया निंतिं रिचार्लिसनं निगू गोल याःगु खःसा नेयमार, फिलिप कोन्टिन्हो व माक्र्वीनोहोसं छगू छगू गोल याःगु खः । कासाया निगूगु मिनेटय् हे नेयमार पेनाल्टीइ गोल याःगु खः। ब्राजिलया निंतिं नेयमारया थ्व ५९ औं गोल खः ।

न्हापांगु हाफया १६औं मिनेटय् रिचार्लिसनं व कोन्टिन्हो ३० औं मिनेटय् गोल याःगु खःसा ५० औं मिनेटय् रिचार्लिसनं व्यक्तिगत निगूगु गोल याःगु खः । कासाया ९० मिनेटय् माक्वीनोहोसं थप छगू गोल याःगु खः । अथेहे न्यूजर्सीइ जूगु अर्जेन्टिना व कोलम्बिया दथुया मैत्रीपूर्ण कासा बराबरीइ क्वचाःगु दु । थ्व कासाय् मेसी धाःसा मम्हितू ।