केयुया विद्यार्थीतय् चित्रकला ब्वज्या

येँ – काठमाडौं विश्वविद्यालय स्कुल अफ आर्टसया विद्यार्थीतय्सं तयार याःगु चित्रकला प्रदर्शनी बबरमहलस्थित नेपाल कला परिषद््य् जुयाच्वंगु दु ।
विश्वविद्यालयया सेन्टर फर आर्ट एण्ड डिजाइन अध्ययन यानाच्वंपिं बीएफए लिपांगु दँया नीन्याम्ह विद्यार्थीं तयार याःगु उगु चित्रकला ब्वज्या छवाःतक जुइ ।

‘बीएफए एक्जिबिसन–२०१८’या नामं वंगु विहीवाःनिसें शुरु जूगु प्रदर्शनीइ चित्रकला, मूर्तिकला, पोस्टर डिजाइन, ग्राफिक डिजाइन, प्रोडक्ट डिजाइन लगायतया सिर्जना तयातःगु विश्वविद्याल कला विभागया प्रमुख भुवन थापा ‘बहुबिं’ जानकारी बियादीगु दु ।

उगु प्रदर्शनीइ स्टुडियो आर्टपाखे रश्मि अमात्य, दुजःमान चित्रकार, अरुणकुमार राई, पाल्देन शेर्पा, राजु श्रेष्ठ, जेम्स खानी, दीपक लामा, प्रियंका सिंह, श्रुति प्रजापति, सुरज सुब्बा, सौरभ श्रेष्ठ, सिद्धार्थ श्रेष्ठ, विशाल योञ्जनलिसें डच विद्यार्थी माग्रेथ भ्यान बर्केलया कला तयातःगु दुसा ग्राफिक कम्युनिकेशनपाखे आस्था चित्रकार, श्रद्धा देवकोटा, मनोज महर्जन, शिवनाथ डंगोल, मनुप्रिया श्रेष्ठ, नीति श्रेष्ठ, रिमेश महर्जन, कृषा ताम्राकार, रोसेल तुलाधरया कला दुथ्यानाच्वंगु दु ।